SAL7747, Akte: R°17.1 (40 van 744)
Akte R°17.1
Act
Transcriptie
2012-03-15 door Jos JonckheerIt(em) de voirs(creven) gehuysschen hebben v(er)huert bij orlove she(re)n vanden gronde/janne van lynte(re) de helicht van eene(n) huyse metten geheelen hove daer/acht(er) gelijc de selve goede gelegen sijn inde dorpstrate tusschen de goede/goerts van artsloe geheeten van cauwelille en(de) thuys der voirs(creven) gehuyssche(n)/geheeten den sloetel gelijc de voirs(creven) helicht vanden huyse vand(er) and(er) helicht/die de voirs(creven) gehuysschen behouden gelegen te hoe(re)n goeden waert voirscr(even)/afgesceiden en(de) gedeilt es [en(de)] met eene(n) grate staende op dand(er) helicht dienen(de)/tot d(er) helicht des voirs(creven) jans en(de) met half den vorsten kelde(re) Te gade(re)/metten gebruycke vand(er) heymelicheit ald(aer) Te houden te hebben en(de)/te gebruycken also lange als de selve jan leven sal en(de) niet lang(er) elcx/jaers voe(r) en(de) om eene(n) gulden(en) rijd(er) d(er) mu(n)ten sh(er)togen van burg(oign)[en] en(de)/van brab(ant) goet en(de) ghinge oft de weerde d(aer)af Te kersmisse te betalen/alle jae(re) den voirs(creven) tijt due(re)nde en(de) telken t(er)mijne alse v(er)volghde schout Ende/es vorw(er)de dat de voirs(creven) jan de voirs(creven) sijn helicht houden sal wel en(de) loflic/van wande en(de) van dake sijn leefdaghe langc en(de) dat de voirs(creven) gehuyssche(n)/betalen sullen den tsijs en(de) co(m)mer d(aer)uut gaende sond(er) des voirs(creven) jans last/behoudelic of bevonden wordde uuten voirs(creven) goeden meer gaende dan d(aer)op/de voirs(creven) jan en(de) seke(re) erfgenamen hen die gewarandeert hebben/dat zij d(aer)af sullen bliven op hoe(re) recht vand(er) waerscap des(er) niet tegen/staende voirt es vorw(er)de dat de voirs(creven) gehuysschen de voirs(creven) heymelich(eit)/sullen ruymen en(de) vagen als des te doen sal wesen op hoe(re)n cost eisd(em)
Nagekeken door: Inge Moris
Moderator: Inge Moris
Laatste update:: 2012-03-15 door Inge Moris