van janne del phalize en(de) lenarde ha(n)nard/ Item vanden gedinge dat geweest es voe(r) meye(r) en(de) scepen(en) van loeven(en)/ tusschen leenarde ha(n)nart in deen zijde en(de) ja(n)ne coulon alse/ geleidt na des(er) stad recht tot den goeden jans vand(er) phalisen in/ dande(re) alse van eenen seke(re)n chijse in capuynen en(de) gelde gedragen(de)/ tsamen tsjaers tuschen vi en(de) vii grijpen of d(aer) omtrint welcken/ tsijs een geheten bauduwijn d(er) vander phalisen te houden ende/ te hebben plach tot gobbertingen in div(er)sen steden en(de) plaetsen/ ald(aer) en(de) d(aer)inne de voirs(creven) lenard of e(m)mer in der een deel van dien/ gegoedt en(de) geerft was van ja(n)ne de pont en(de) joffr(ouwe) joha(n)nen va(n)/ brabant zijnen wive weduwe jans wilen van buret gelijc bleeck/ met eenen hofbrieve van meylem die de selve lenard d(aer)af thoende/ meynende by dien dat hij in den selven tsijs bliven zoude ende/ sculdich wae(re) te bliven den voirs(creven) ja(n)ne coulon de (con)trarie houden(de)/ by redenen want de voirs(creven) jan de buret de buret sittende in geheele(n)/ stoele mett(er) voirs(creven) joffr(ouwe) joha(n)nen den voirs(creven) tsijs dies wail mechtich/ zijnde met meer ande(re)n woirden goeden in huwelike gaf den/ voirs(creven) janne vand(er) phalisen met heilwigen zijnen wive die maerte/ geweest hadde des voirs(creven) wilen baudewijns gelijc de voirs(creven)/ jan coulon met meer ande(re)n pu(n)ten boet te bewisen Alsoe/ dat aensprake en(de) verantwerden geschiet zijnde de voirs(creven) jan/ coulon gewijst waert tsijnen thoeniss(e) en(de) ten dage van/ thoeniss(e) thoende hij seke(re) scepen(en) brieve eenen d(aer)mede de/ voirs(creven) wilen boudewijn met zijnen bruede(re)n en(de) sust(er) gegoedt/ hadden hoe(re)r lieden moeder inden voirs(creven) tsijs en(de) eenen ande(re)n/ d(aer)mede de moed(er) den voirs(creven) bauduwijne voirts gegoedt hadde/ inden selven tsijs behoudelic hae(r) hoe(re)r tocht thoenende/ voirts met scepen(en) van meylhem dat de voirs(creven) brieve wae(re)n/ scepen(en) brieve van meylhem Thoenende voirts met goede(n)/ ma(n)nen dat de voirs(creven) boudewijn lang(er) leefde dan zijn moed(er)/ en(de) dat hij nad(er) moed(er) doet den voirs(creven) chijs zijn dage langh/ hielt als zijn p(ro)pre erve en(de) dat na sijn doot de voirs(creven) jan va(n)/ buret den selven chijs hielt en(de) besat en(de) dat hij dien in gehele(n)/ stoele gaf in huwelike den voirs(creven) ja(n)ne vand(er) phalisen met d(er)/ voirs(creven) heilwigen zijnen wive seggende en(de) ke(n)nende de selve jan/ van buret dat hij des wail mechtich was mids zeke(re)n scepen(en)/ brieve(n) van loeven die hij d(aer)op hadde dragende voert de selve goede/ ma(n)ne dat zij daer by en(de) aen wae(re)n daer de voirs(creven) gelufte en(de) ghifte/ alsoe geschiedde en(de) dat den huwelic d(aer)op toegi(n)cg So hebben de/ scepen(en) van loeven t(er) maniss(e) smeyers gewijst voe(r) een vo(n)niss(e) na/ aensp(ra)ke en(de) v(er)antwerde(n) van beiden p(ar)tiden en(de) thoeniss(e) svoirs(creven)/ jans coulon dat den selven ja(n)ne en(de) zijne(n) beleide den voirs(creven)/ chijs volgen soude alsoe verre alst noch voe(r) scepen(en) comen es/ Cor(am) m(ychaele) abs(oloens) roelants j(aspar) abs(oloens) witte vyncke fe(bruarii) xii/