SAL7749, Akte: R°167.1 (1332 van 2637)
Akte R°167.1
Act
Datum: 1456-01-19
Taal: Nederlands
Transcriptie
2012-04-10 door Wilfried GeyskensIt(em) Arnd boxhoren woenen(de) te loeven inde broeckstrate heeft v(er)cocht/
gheerde van dyeven briede(r) van wijchmale alle tschaerhout/
staende op (½) boend(er) erfs of d(aer)omtrint des voirs(creven) arnds/
gelegen te bynswijck aen denissenrot tuschen de goede/
d(er) begarden van loeven en(de) de straten ald(aer) behoudelic dat/
de voirs(creven) arnd aldaer sal moegen kiesen en(de) nemen [op een eynde] tsijne(n)/
p(ro)fijte iiii[c] hoppecruytstaken en(de) heeft voirt gekend de/
selve arnd dat hij den voirs(creven) gheerde vercocht heeft/
tsestich alboemen d staende op den voirs(creven) gront die de/
selve gheerd kiesen en(de) te hemw(er)t nemen sal vanden albome(n)/
staende op den voirs(creven) gront met vorwerden dat de/
voirs(creven) gheerd tvoirs(creven) hout [beide] scaerhout en(de) ande(re) sal moeten/
doen vanden voirs(creven) gronde bynnen eene(n) jae(r) naestcomen(de)/
Ende dit all voe(r) en(de) om een seke(re) so(m)me gelts d(aer)af de/
voirs(creven) arnd bekend heeft vanden voirs(creven) gheerde voe(r) v(er)nueght/
en(de) betaelt en(de) de voirs(creven) arnd heeft geloeft den voirs(creven)/
gheerde tvoirs(creven) hout peyslic te doen en(de) laten volgen/
lynte(re) hortbeke ja(nuarii) xix
//
//
Nagekeken door: Inge Moris
Moderator: Inge Moris
Schepenen
- Henrick van Lyntre
- Michiel van Hortbeke
Laatste update:: 2012-04-10 door Inge Moris