It(em) wout(er) janssoen heeft geloeft janne vand(er) hadocht van mechlen johanneken/ dochter rutgheerts wilen spaen die hij heeft van m(ar)grieten zijnen wive/ docht(er) des voirs(creven) wout(er)s in dien te hebben bynnen twee jaren naestcomen(de)/ dat zij den voirs(creven) ja(n)ne behoirlike guedinge en(de) vestich(eit) doen sal voe(r) den/ hee(re) vanden leene en(de) zijn ma(n)nen van drie dachmalen lants luttel/ myn oft meer gelegen inde prochie van burdmeerbeke neven de/ brugge geheten holrodebrugge tuschen de goede wout(er)s de lathouwe(re) en(de)/ jans pauwels gelijcmen dat helt te leene en(de) de voirs(creven) joha(n)neken/ dat de leene ontfangen heeft van wille(m)me de gorte(re) Of den selven/ ja(n)ne daer voer te gheven en(de) te betalen vie(re)nveertich gulden ryd(er)s/ d(er) mu(n)ten sh(er)togen van bourg(oignen) en(de) van brabant alse vervolghde schout/ Ende hier voe(r) zijn borgen des voirs(creven) wout(er)s als principale sculde(re)n/ en(de) een voer al qui(n)ten zijn soen te voren uut zijns vad(er)s broode/ gedaen en(de) amelrijck de zwerte(re) van he(re)nt de welke de voirs(creven) wout(er)/ hier af geloeft heeft scadeloes te houden en(de) tontheffen lynt(re) hortbeke/ ja(nuarii) xxi
//