Cond zij allen lieden dat jan van beert t(er) eenre zijden en(de) gheerd van cruyce/ zijn wynne van zijnen goeden te voshem t(er) ande(re) met malcanderen/ eensworden en(de) ov(er)comen zijn Alse van eenen bloocke lands geheten/ der wittevrouwen hof dwelc de voirs(creven) wyn na inhouden der/ vorw(er)den vander pechtingen op te voirs(creven) goede gemaect alleen/ voir uut hebben zoude zond(er) ja(n)ne d(aer)inne bynnen den tide vand(er)/ pechtingen e(n)nich recht te hebben ind(er) manie(re)n h(ier)na volgende/ Te weten dat den selven hoff niet wederstaende d(er) voirscr(even)/ vorwerden nu voirtaen toebehoe(re)n sal hen beiden te gelike en(de)/ dat de voirs(creven) wyn dien behoirlic sal wynnen werven en(de) besaeye(n)/ op zijnen cost en(de) last en(de) de vruchten zullen de voirs(creven) jan en(de)/ de wyn te gelike deylen opt velt en(de) de wyn sal altoes de helicht/ van jans vruchten voe(r) tsijne int schue(re) vue(re)n Ende de voirs(creven)/ jan heeft geleend den voirs(creven) zijnen wyn tghene des hier na/ volght Dwelc hem de selve zijn wyn geloeft heeft tzijnre maniss(e)/ weder te geven en(de) te betalen alse vervolghde schout te weten yerst/ aen dierste vorwerde iii stuv(er)s It(em) iii mudde rogs ii mudde evene(n)/ ix moelevate(n) gersten vi moelevate(n) rogs iiii moelevat(en) erwete(n)/ drie pet(er)s seven pet(er)s en(de) een ort Cor(am) roelants m(er)sb(er)ghe/ no(vembris) x

S(ententiatu)m cor(am) witte/ m(er)cels in/ vi(gili)[a] joh(annis) an(te)/ nona(m) a(nn)[o] lvii (et) e(st) add(uctus) eisd(em)