Van diericken van erpe en(de) katlinen van brem/ It(em) Also alse onlangs te diversen stonden voer den raide vand(er) stad alhier comen/ zijn katline van brem stofferesse t(er) eenre zijden en(de) dierick van erpe custe(r)/ ts(in)te g(er)truden te loeven t(er) ande(re) opdoende de voirs(creven) katlijne hoe and(er)wile/ by overdrage vand(er) stad tprothocoll mencie makende van iiii ryd(er)s lijfpens(ien)/ by den voirs(creven) dyericken tot hoiren en(de) ten live dierixkens hoe(re)r beider/ zoens and(er)wile bekint es geweest doen visente(re)n opte leste came(re) en(de)/ bevolen want de brieve verloren wae(re)n datmen ande(re) forme(re)n zoude/ zo begheerde zij die te hebben [om] en(de) d(aer)mede te moegen wercken alst hoir/ geliefde den voirs(creven) diericken d(aer)op verantwerdende zeide dat d(aer)af vele/ handelingen eld(er)s en(de) biden rade vand(er) stad geweest wae(re) en(de) dat nochta(n)/ de voerwethoude(re)n alle redelicheit ae(n)m(er)kende de voirs(creven) brieve niet en/ hadden doen ov(er)geven gem(er)ct dat hij die bekind hadde op troest en(de) hope/ dat de voirs(creven) lijfpensie den jonghen hoe(re)r beid(er) kyndde voirtgekeert soude/ wordden en(de) te baten moegen comen en(de) mids ande(re)n zeke(re)n vorwerden/ en(de) saken dair inne de voirs(creven) katlijne themw(er)t gebreckelic geweest heeft/ en(de) noch es Bege(re)nde uuterlic dat den voirs(creven) katlijnen den brief niet/ ov(er)gegeven en wordde maer and(er)s d(aer)inne versien alsoe den he(re)n redelic/ duncken zoude So es na voirgaen(de) delibe(r)acie biden raide vand(er) stad/ op ten dach van heden ov(er)dragen get(er)mineert en(de) d(er) voirs(creven) katlijnen met/ zeke(re)n hoe(re)n vrienden te recht en(de) bescheide uutgesproken dat den voirs(creven)/ lijftochtbrief in gewarig(er) hand staen sal om d(aer)mede gewracht te/ moegen werden tot des voirs(creven) jongen orber en(de) p(ro)fijte zo lange hij/ leven sal hier inne versien oft hij eer aflivich wordde dat dan/ de voirs(creven) katline zijn moed(er) dat dan de selve katlijne en(de) dyerick/ p(ar)tien op hoir beloop van rechte voer den rade vand(er) stad te moege(n)/ volgen staen zullen om d(aer)af alsdan te geschien alsoe na gelegenth(eit)/ behoe(re)n sal Act(um) p(re)siden(tibus) roelofs prijke(re) burgim(a)g(ist)ris et aliis de/(con)silio f(eria) iiii[a] decembr(is) xvii a(nn)[o] lv
//