It(em) jan floridaen woenen(de) te mez by ophain heeft geconsenteert en(de) ov(er)geg(even)/ janne de postpo poirt(er) d(er) stad van loeven dat hij met rechte sal moegen/ verreychten op en(de) aen de haeflike goede henricks le duc geheten loocq/ wynne svoirs(creven) floridaels tot ophain xii pet(er)s en(de) de costen van rechte/ d(aer)op loepende alsoe wail op te have die wesen mach bynnen den/ selven wynhove als elde(re) uutgenomen aende vruchten comende/ van iiii boende(re)n lands of d(aer)omtrint gelegen ald(aer) in ii stucken die/ comen zijn van wegen des voirs(creven) floridaels huysvrouwen zond(er)/ dat hij de selve floridael den voirs(creven) postpo e(n)nich hijnder oft/ geweer d(aer) tegen sal doen of pijnen te doen in e(n)nig(er) p(ar)tien manie(re)n/ lynt(re) meersberge februarii iiii
//