kersmake(re) winczele/ It(em) Also alse op heden biden raide vand(er) stad comen zijn claes de k(er)smake(re)/ t(er) eenre zijden en(de) henrick van wincsele t(er) ande(re) Aldaer de voirs(creven) claes yesch/ en(de) begeerde dat hem de voirs(creven) henrick opleyde vi(½) rijd(er)s die hij hem int lossen/ van zeke(re)n panden en(de) ond(er) den ande(re)n van zeke(re)n panden eenen panchie(re)/ die te lombaerden stonden doeghdelic geleend hadde en(de) dat de voirs(creven) henrick/ tvoirs(creven) panchier wed(er) te hemw(er)t name en(de) verwaerde alsoe hem dat geliefde/ dairop de voirs(creven) henrick na vele woirde ten p(ro)poiste egheenss(in)s antw(er)den/ en wilde maer yesch den voirs(creven) clase selve zeker gelt van chijse dwelc/ hem de selve claes ter stont opleyde verzuecken(de) trecht van des hij/ voer opgedaen hadde als boven geruert steet So es na desen inden
//
rade vand(er) stad get(er)mineert en(de) te rechte en(de) bescheide uutgesproken dat/ den voirs(creven) clase tvoirs(creven) panchier met rechte by she(re)n diene(re) gelevert/ sal worden en(de) dat voirt gehandelt met drie genechten van rechte/ om den selven claese zijn voirs(creven) gebreck d(aer)aen te moegen v(er)reycken/ zo verre d(aer)toe aen den selven pand sal konnen geraken wed(er)ke(re)nde/ oft d(aer)af yet overt en(de) vandes d(aer)af gebreken mochte voirtstaen/ op beloop van rechte Act(um) in (con)silio p(re)siden(tibus) roelofs substituto/ et prijke(re) burgim(a)g(ist)ris et aliis q(uam)plu(r)ib(us) fe(ria) vi fe(bruarii) xiii/