It(em) Claes marchant mesmake(re) in teg(enwoirdicheit) d(er) scepen(en) van loeven gestaen/heeft gehuert en(de) bekynd dat hij gehuert heeft van [tegen] gielise van/geldenake barbier desselfs gielijs huys gelegen aen s(in)te/pet(er)s kerchof alre naest den goeden arnds de weldige barbiers/Te hebben en(de) te gebruycken van s(in)t jansmisse naestcomen(de) eene(n)/t(er)mijn van sess jae(re)n langh deen na dand(er) staphans volgende/Elx jaers dae(re)n bynnen voe(r) en(de) om seven gulden crone(n) d(er) mu(n)te(n)/sconyncks van vrancrijcke goet en(de) ginge half te kersmisse en(de) /half ts(in)t jansmisse te betalen den voirs(creven) gielise alle jare den /voirs(creven) t(er)mijn due(re)nde en(de) telken t(er)mijne alse vervolghde schout/met vorwerden of e(n)nich van hen ten hi yersten drie jaren/geliefde te scheyden dat zij dat zelen moegen doen by alsoe/dat de ghene die scheyden wilt dat den ande(re)n een half jaer/te voe(re)n kundigen moet en(de) of de voirs(creven) claes uut den voirs(creven) /huyse toege bynnen den voirs(creven) t(er)mijne dat dan de voirs(creven) giel(ijs)/op dat hem gelieft dat sal moegen aenveerden voe(r) de voirs(creven) /hue(re) sonder dat biden voirs(creven) claese yeman(ne) and(er)s v(er)huert te worde(n)/It(em) es oic vorw(er)de zo wes de vors(creven) claes d(aer)inne breken sal of doen/breken dat hij dat op zijnen cost wed(er) sal doen maken en(de) zijn/smisse inde voute stellen en(de) ten uutscheiden wed(er) op zijne(n) last/d(aer)uut moeten doen It(em) en sal de selve claes nergens aen/tvoirs(creven) huys gheen cruythof moegen maken noch doen maken/Gel En(de) alle de vorw(er)den etc(etera) roelants j(aspar) abs(oloens) oct(obris) xxix