Cond zij allen lieden dat henrick van preille en(de) henrick egnoy/geheten le hallier woenende beide te gheete in teg(enwoirdicheit) d(er) scepen(en) /van loeven gestaen hebben genomen en(de) bekend dat zij genom(en) /hebben ongesund(er)t van h(ere)n lancelote vand(er) haghen religieux/en(de) p(ro)cur(ator) sgoidshuys van gemblours alsulken goede als jan/wilen jaquemijn en(de) wilen robbeert jaquemijn zijn soen/and(er)wile te weten thien daghe inde maent van merte/int jair achten(en)veertich te pachte genomen hebben voe(r) /scepen(en) van loeven vanden voirs(creven) goidshuise vanden voirs(creven) /tide eenen t(er)mijn van neghen jae(re)n op zeke(re) pachten/van coerne en(de) ande(re) lasten vorwerden en(de) (con)dicien gelijc/de brieve d(aer)af begrijpen en(de) [gelijc] jan wilen springnoul van/jan dregnoul de selve goede voe(r) scepen(en) van loeven/in d(er) voirs(creven) manie(re)n achthien dage in nove(m)bri int jair/vijftich voirt den voirs(creven) t(er)mijn uut opte lasten ende/condicien boven b geruert vanden voirs(creven) goidshuise/voirts aenveerd en(de) genomen hadde gelijc de brieve/d(aer)af gemaict dat inhouden Te houden te hebben/en(de) te wynnen van nu voirtaen den voirs(creven) t(er)mijn uut op/alle lasten vorwerden en(de) (con)dicien die [in] de voirs(creven) [twee] pechtinge/brieve genoemt die de voirs(creven) henrick en(de) henrick/geloeft hebben den voirs(creven) goidshuise wael en(de) volcomelic/te voldoen tallen tiden als die vallen zelen en(de) telken/t(er)mijne alse vervolghde schout roelants abs(oloens) oct(obris) xxix