Item andries van berthem in teg(enwoirdicheit) d(er) scepen(en) van loeven gestaen heeft gekend/ dat hij ontfangen heeft van janne van beeme rentmeest(er) sgoidshuys van/ aywie(re)s alsulke xx gulden mottoene als den selven andriese by eenen/ seggene van zeke(re)n goeden mans tande(re)n tiden aengeseeght zijn ende/ vielen half ts(in)t jansmisse en(de) half te s(in)te remeysmisse beide lestleden/ voer en(de) van alsulken eyssche als de selve andries te diertijt eysschen(de)/ was ten voirs(creven) goidshuise wert en(de) zeke(re)n hoe(re)n goeden van acht(er)stelle/ van x mottoene lijfrenten die lijsbeth zijn wijf tot hoe(re)n live heeft/ aen en(de) op tvoirs(creven) goidshuys en(de) hoe(re) goede gelijc zeke(re) besegelde brieve/ d(aer)op gemaict dat uutwisen van welker (com)posicien en(de) van allen/ acht(er)stelle d(er) voirs(creven) lijfpens(ien) de voirs(creven) andries hem gekend heeft/ voe(r) (con)tent en(de) vervueght sceldende den voirs(creven) goidshuise ende/ hoe(re) goede vand(er) selv(er) (com)posicien en(de) van allen achterstelle d(er) voirscr(even)/ lijfpens(ien) tot desen daghe verschenen volcomelic quijt hortbeke/ meersberge dec(embris) xix
//