It(em) joes sdroeghen van gheetbeetse zoen jans wilen de droeghe in/ teg(ewoirdicheit) d(er) scepen(en) van loeven gestaen heeft genomen en(de) bekend dat hij/ genomen heeft van geldolve van wynde geheten vand(er) lynden woenen(de)/ te loeven Een stuck oud(er) land [bogart] en(de) wijng(ar)t houden(de) metten dofhuise/ d(aer)op staende en(de) ande(re)n zijnen toebehoirten gelegen te gheetbeetse/ t(er) plaetsen geheten op ten heddelberch tuschen de goede sgoidsh(uys)/ van vlied(er)beke en(de) jans van papenbroeck comende aende goede/ van ons(er) liev(er) vrouwen altare ind(er) kercken van gheetbeetse voirscr(even)/ Te houden te hebben en(de) te wynnen van den dage van heden eenen/ t(er)mijn van negen jae(re)n langh deen na dand(er) eenp(er)lic volgende/ Elcx jaers dae(re)n bynnen vo te weten den voirs(creven) wijng(ar)t en(de) land/ voe(r) en(de) om twee rijnsch gulden goet en(de) ginge te xx stuv(er)s tstuc/ gerekend xxvii dage in januario te betalen den voirs(creven) geldolve/ alle jare den voirs(creven) t(er)mijn due(re)nde en(de) telken t(er)mijne alse v(er)volghde/ schout Met vorwerden dat de voirs(creven) joes gehouden sal zijn by(n)ne(n)/ den yersten twee jae(re)n tvoirs(creven) duyfhuys wel en(de) loflic te rapare(re)n/ en(de) met duyf duyven te spisen en(de) voirts alsoe houden en(de) late(n)/ tsijnen afscheiden vanden voirs(creven) t(er)mijne en(de) d(aer)toe sal hij moegen/ te hulpen nemen eenen kersele(re) op te voirs(creven) goede staende en(de)/ daer voe(r) twee ande(re) setten en(de) desgelijx oic voe(r) alle doeftboome die/ op te selve goede verdroegen selen twee poten vanden selven/ aerde wed(er) moeten setten d(aer) voe(r) hij die droege sal aenveerden/ It(em) sal sal de voirs(creven) joes op dat hem gelieft den voirs(creven) wijngart/ moegen uutroden en(de) wynnende land afmaken oft ledich laten/ liggen en(de) desgelijx oic tvoirs(creven) land alsoe hem orberlixt du(n)cken/ sal It(em) waert dat de voirs(creven) joes den voirs(creven) geldolven bynnen vi/ weken na den voirs(creven) betaeldach niet en betaelde vanden voirs(creven)/ pachte dat hij dan de voirs(creven) goede op dat hem geliefde sal moege(n)/ wed(er) nemen niet wed(er)staende des(er) pechtingen en(de) de voirs(creven) joes/ en sal de hagen om de voirs(creven) goede gaende niet moegen arge(re)n/ noch uuthouwen in gheenre manie(re)n roela j(aspar) abs(oloens) et hortbeke/ ja(nuarii) xxvii
//