It(em) also als ten vervolge jorijs claes als geleidt na des(er) stad recht totten goeden jans in/ scaluys gescreven es geweest met brieven der selv(er) stad den scouth(eit) van olmen of zijnen/ stadheld(ere) te bedwingen henricke van rootvenne over te leve(re)n en(de) te restitue(re)n xlii/ hamelen den voirs(creven) goeden toebehoeren(de) die hij v zonder (con)sente svoirs(creven) jorijs alsoe/ hij seide aengeveerdt en(de) ewech gedreven hadde By alsoe of de selve henr(ick) hem/ d(aer)toe rechts wilde vermeten of and(er)s yet allege(re)n dat hij des op heden te mistide tegen/ den voirs(creven) jorise te rechte alhier voe(r) meye(r) en(de) scepen(en) comen wae(re) Dair de voirs(creven) henrick/ niet gecomen en is noch onschout gesonden en heeft den voirs(creven) jorise (com)pare(re)nde ende/ trecht voirts versueckende So hebben de scepen(en) van loeven(en) t(er) maniss(en) smeyers gewijst/ voe(r) een vo(n)niss(e) zo waer des voirs(creven) jorijs wed(er)p(ar)tie niet en q(ua)me ten opstane smeyers/ en(de) van hen gelijc hij en dede datmen dan den voirs(creven) jorijse vand(en) voirs(creven) hamelen [goeden] houden/ sal in zinen beleide also v(er)re alst noch voe(r) he(n) comen es eisd(em)/