Item alsoe als jan le palfrenier onlangs voe(r) meye(r) en(de) scepen(en) van loeven aengesproken/ heeft lambrechte van schoe(re) van dat de selve lambrecht geseeght hadde dat de/ voirs(creven) jan bynnen den huyse jacobs uuten lyemingen gestolen hebben soude een dobbele/ scaerlaken bonette en(de) eene(n) ty(n)nen(en) gelt stoep en(de) oic dat hij een grond dieff wae(re)/ biedende de selve jan dat te thoenen(e) en(de) hopende wair lambrecht die woirde/ niet goet gedoen en conste dat hij hem dan t(er) bet(er)niss(en) doen soude eene(n) wech/ te meylanen Welx thoeniss(e) de voirs(creven) jan genoech volquam etc(etera) So hebben de/ scepen(en) van loeven ter maniss(en) smeyers nae aensprake verantwerd(en) en(de) oic thoeniss(en)/ gehoirt in (con)tu(m)acien en(de) absen(cie) des gewijst voirs(creven) lambrechts gewijst voe(r)/ een vo(n)niss(e) dat de voirs(creven) lambrecht den voirs(creven) janne t(er) bet(er)niss(en) doen sal eene(n) wech/ te meylanen en(de) d(er)w(er)t te porren bynnen xl dagen naestcomen(de) en(de) dair af goede/ wairheit te bringen nad(er) stad recht Actu(m) in (con)sessu scabinor(um) placito sdonredaighs/ maii xix/