It(em) want de voirs(creven) jan standart en(de) zijn borge(n) den voirs(creven) janne vand(en) / campe en(de) mertene de voirs(creven) schout geloeft hebben voe(r) den/ maeghdom katlijnens docht(er) jans wilen de custe(re) vanden voirs(creven)/ janne standart d(aer)af ontsett So es vorwerde de zo waer de/ selve katlijne en(de) magriete hae(re) natuerlike docht(er) die zij/ heeft vanden selven janne standart bynnen den voirs(creven) ii jae(re)n/ beide aflivich worden dat dan de voirs(creven) gelufte te nyeute/ zijn sal en(de) of zij beide of deen van hen te live bleven/ So heeft geloeft de voirs(creven) jan vanden campe zo schie(re) als/ tvoirs(creven) coren en(de) gelt betaelt es dat hij dan d(aer)mede zo hij/ ierst vueghlixt sal moegen lijftochte coopen sal ten live d(er)/ voirs(creven) moeder en(de) docht(er) oft des eens van hen alsdan levende/ ten meesten orbe(re) en(de) p(ro)fijte der selv(er) moed(er) en(de) docht(er) en(de)/ t(er) bester en(de) te gelegenst(er) plaetsen dat hij sal konnen En(de)/ tot dien heeft geloeft de voirs(creven) jan vanden campe den voirs(creven)/ janne standart dat hij d(er) voirs(creven) katlijnen in dien hebben sal/ dat zij den selven janne standart van hae(re)n maeghdo(m)me/ behoirliken quijtscelden sal en(de) geloven d(aer)af nu(m)m(er)meer/ aen te spreken eisd(em)/[Dit heeft ja(n) standart geconse(n)teert te nieute te doen] En(de) oft dese gelufte en(de) vestich(eiden) den voirs(creven) m(er)tene niet en genuechde/ zo es vorwerde dat de voirs(creven) sculde(re)n den voirs(creven) m(er)tene op/ zijnen cost en(de) tzijnre maniss(en) and(er) behoirlike vesticheit/ doen selen van des voirs(creven) es eisd(em)/