It(em) also als ten v(er)volge ansems vand(en) steene natuerlic soen jans wilen/ vand(en) steene die geleidt es na den rechte d(er) stad van loeven tot den/ goeden have en(de) erve des selfs wilen jans zijns vad(er)s gescreve(n) es/ geweest vand(er) selv(er) stad wegen den drossete van lichtert te bedwinge(n)/ henricken vand(en) steene zijne(n) wettigen brued(er) zijn hande te doen vand(en)/ selven goeden en(de) dat hij die zo v(er)re zij ond(er) zijnen bewynde lagen/ dede volgen den voirs(creven) anseme Bij also hadde henrick voirs(creven) zijn/ brued(er) hem d(aer)toe e(n)nichs rechts willen v(er)meten of d(aer) tege(n) yet allege(re)n/ dat hij dan op heden te mistide alhier te rechte comen wae(re) D(aer) de selve/ henrick niet gecome(n) en es noch ontschout gesonden en heeft den voirs(creven)/ geleidden in rechte (com)parere(n)de en(de) v(er)sueckende in zijnen beleyde gehoud(en)/ te werd(en) vand(en) voirs(creven) goeden gelijc hij die inden rechte dede lesen/ So hebben de scepen(en) van loeven(en) t(er) maniss(en) gewijst voe(r) een vo(n)niss(e) zo/ waer de selve henrick niet en quame ten opstane smeyers en(de) van hen/ gelijc hij en dede datme(n) dan den voirs(creven) ancelme vand(en) voirs(creven) goeden/ houden soude in zijne beleide also alst noch voe(r) hen come(n) es Act(um)/ cor(am) scab(inis) in sca(m)pno sabb(at)o febr(uarii) v/ Hier na volgen de goede die inden rechte gelesen wae(re)n Te weten ierst/ een boend(er) beempts geheten den mortel gelegen inde p(ro)chie van lichtert/ tusschen de goede moeyen kynde(re) vand(en) wyele en(de) smeekens kynde(re)/ It(em) een boend(er) beempts geheten spapen beempt gelegen inde selve p(ro)chie/ tusschen de goede jans van mechelen en(de) d(er) kynde(re)n zoemans/ It(em) (½) boend(er) beempts gelegen acht(er) hobbeschot tusschen de goede jans/ van herle en(de) de kynde(re) rombouts/ It(em) (½) boend(er) beempts geheten ryeversdonck tusschen de goede jan stoers/ en(de) henricks van ysschot/ It(em) iii dach(mael) beempts gelegen opt hoelvordeschoer tusschen de goede/ d(er) kynde(re)n zoemans en(de) d(er) kynde(re)n massijs/ It(em) (½) boend(er) beempts geheten tgroot hoelvordeschoer gelege(n) tusschen/ de goede jans kynde(re) vand(en) dale en(de) henr(icke) van ysschot/ It(em) een eeusel geheten byeswiel eusel houden(de) omtrint ii boend(er) gelege(n)/ tusschen de goede gheert heyns kynde(re) en(de) andries vand(en) vekene
//
It(em) een scaepscoeye met twee boende(re)n lands d(aer)aen gelegen/ tuschen de goede dignens vanden steene en(de) gheert heyns / kynde(re)/ It(em) een boend(er) lands geheten thulsentstuck gelegen aende/ reysstrate tuschen de goede d(er) capitlen van lyere ende/ lijsbetten leemans/ It(em) een boend(er) lands geheten de strepe gelegen tuschen de/strepe goede pet(ers) thijs en(de) jans peys/ It(em) een plecke lands geheten den poel gelegen tuschen de/ goede pet(er)s thijs voirs(creven) en(de) jans stoers/ It(em) een boend(er) lands geheten den reyners hof gelegen tusche(n)/ de goede arnds wilen vanden goere en(de) thijs massijs/ It(em) een stuck lands geheten leysenblock gelegen tuschen de/ goede jans gheerds en(de) peters beys/ It(em) een stuck lands geheten dnuland met eend(er) halv(er) schue(re)n/ gelegen tuschen de goede gheerts heyns kynde(re) ende/ dignen vanden steene/