Met desen brieve selen hen de voirs(creven) kynde(re) of deen va(n) hen moegen / doen beleiden alse hen gelieft om d(aer)mede na de doot vanden / voirs(creven) hoe(re)n vad(er) en(de) moed(er) alle de goede beide have en(de) erve / acht(er) hen blivende taenveerdene en(de) erflic met den selven/ beleide te ghelike te houden Behoudelic dat zij alsdan sculdich / zelen zijn te laten volghen en(de) vanden voirs(creven) goeden te gheve(n)/ h(er)ma(n)ne en(de) cecilien kynde(re) h(er)ma(n)s yeven cled(er)sijd(er)s die / hij heeft van wilen katlinen zijnen wive sust(er) die [voirs(creven)] ja(n)s symoe(n)s / en(de) m(ar)grieten op alsoe dat zij de selve h(er)man en(de) cecile oft /wettige alsdan leven of e(n)ni wettige geboirte acht(er)laten xl / rijnsch gul(den) eens by alsoe dat zij niet gehouden en [selen] zijn yet d(aer) af te gheve(n) / ten werde alsoe besorght of de voirs(creven) kynde(re) en zijn in sulken state dat de vad(er) hen / dat niet ontrecken en sal moegen met rechte behoudel(ic) oic den voirs(creven) gehuisschen hoe(r) / meerde(re)n en(de) mynde(re)n zo lange zij beide leven eisd(em)