SAL7752, Akte: R°276.2 (1265 van 1440)
Akte R°276.2
Act
Transcriptie
2012-11-16 door Jos JonckheerItem Also alse onlangs ten vervolge jans vanden wate(re) etc(etera) wout(er) /gheens geheten stass gesworen bode der stad van loeven eenen /brief vander selver stad wegen gedragen heeft ter hulpen ten huyse /philips scolast(er)s inhouden(de) des hier na volght Eerbe(re) wise lieve /gemi(n)de vriend hoewel anderwile vanden geschille uutstaende tuschen /u ende janne vanden wate(re) etc(etera) dach van rechte voer onsen rade /genomen waert ende op heden dienende was So en zijt ghij ten /selven dage niet gecomen noch en hebt e(n)nige onschout gesonden /des ons van uwer discrecien na alle voergelegentheit zund(er)linge ze(er) /verwondert Scriven d(aer)om aen u en(de) ernstelic van rechts ende /bescheids wegen versuecken dat ghij zonder voirder vertreck va(n) /heden over viii dage te mistide te loeven by ons compt om uwe /onschout oft ghij e(n)nighe hebt op des voerg(enoemde) es behoirlic te doen /en(de) alsdan voerts te plegen des te rechte ende bescheide behoe(re)n sal /Ende des eerbe(re) lieve vriend en wilt gheenssins meer laten oft /versuymen op dat ons mids voerd(ere)n uwen gebreke gheen noet /en geboe(re) anders d(aer)om tuw(er)ts te moeten vorde(re)n met rechte des /wij u quiten(en) liev(er) verdragen bleven dat kint god die vr u lieve /vriend bewae(re)n wille in zijnre heylig(er) hoeden Gescr(even) tsvryd(aighs) /vi dage in aprill a(nn)[o] lix Ende de voirs(creven) bode wederbracht heeft /dat hij verstont dat de voirs(creven) philips niet thuys en was /So es op heden alse de voirs(creven) jan vanden wate(re) zinen dach /alhier verwaerde den selven janne vander stad wegen geseeght /dat oft hij die in poss(ess)ie es van zeke(re)n haefliken goeden etc(etera) e(n)nigh /ongebruyck vername dat hij dat alhier bekundigen soude om /voert te geschien des na gelegentheit ende des(er) stad rechte /behoe(re)n sal Act(um) p(re)siden(tibus) borchoven substitut(o) coker(oul) burg(i)m(agistro) et /aliis in (con)silio f(eria) vi aprilis xiii/
Nagekeken door: Inge Moris , Paul Peeters , Sabrina Keyaerts
Moderator: Sabrina Keyaerts
Laatste update:: 2012-11-16 door Sabrina Keyaerts