Cond zij allen lieden dat henrick de le houssie(re) zoen wilen/ gobeerts inden name en(de) van wegen joffr(ouwen) zannen zijnre/ moed(er) die hij hier inne geloeft heeft te vervaen in/ teg(ewoirdicheyt) heeft gegeve(n) en(de) bekend dat hij gegeven heeft ja(n)ne/ grigoire van gentines ty(m)merma(n)ne thof der voirs(creven)/ joffr(ouwen) zannen geheten thof del meir metten huysen/ hoven wynnen(de) landen beemden eeusselen en(de) ande(re)n/ zijnen toebeh(oirten) gelegen te saint gery en(de) d(air)omtrint/ gelijc en(de) alsoe v(er)re de voirwynnen dat ald(air) gehoude(n)/ hebben Te houden te hebben en(de) te wynnen van/ s(in)t jansmisse baptisten dat was int jair xiiii[c] acht/ en(de)vijftich lestleden eenen t(er)mijn van sess jaren langh/ deen na dand(er) staphans volgen(de) elcks jairs dae(re)n by(n)ne(n)/ voe(r) en(de) om neghen(de)vijftich mudden hards corens twee/ mudden tarwen drie stie(re)n [zist(er)] witt(er) eriten en(de) (½) stier [zist(er)]/ raepsaets all goets en(de) payabels d(er) maten va(n) ge(m)blours/ ts(in)te andriesmesse ap(oste)ls te betalen alle jare den voirs(creven) t(er)mij(n)/ due(re)nde en(de) telken t(er)mijne alse v(er)volghde schout Ende voirt/ op te vorw(er)den en(de) (con)dicien h(ier)na volgen(de) te weten ierst dat/ de voirs(creven) joffr(ouwe) zanne den voirs(creven) wynne bynne(n) den voirs(creven)/ t(er)mijne uuten goeden voirs(creven) niet setten en sal moegen/ zond(er) goede redene d(air)toe te hebben Desgelijx en sal/ hij oick zond(er) goede sake d(air)toe te hebben de zelve goede/ hie(re)n bynnen nyemande moegen ov(er)geven It(em) sal de/ voirs(creven) wyn zond(er) afslach vanden voirs(creven) pachte jairlix dese(n)/ t(er)mijn langh betalen allen den tsijs uuten voirs(creven) goeden oft
//
e(n)nige van dien gaende zo in tijts dat de voirs(creven) joffr(ouwe) noch/ hue(r) goede dair by niet beschedicht en worden Desgelijx/ sal hij oic betalen in afslage en(de) mynd(er)niss(e) vanden selve(n)/ erfpachte allen den erfpacht uuten voirs(creven) geheelen goede(n)/ gaende en(de) dien leve(re)n t(er) plaetsen en(de) den p(er)soenen dair/ menten sculdich es zo in tijts dat zij noch hae(re) voirs(creven)/ goede dair by niet en worden beschedicht It(em) sal de voirs(creven)/ wynne de voirs(creven) lande wel en(de) loflic wynnen werven en(de)/ besaeyen met goeden saetcorene ten tiden en(de) wilen te wete(n)/ dwynt(er)coren op vier voren en(de) tzom(er)coren op twee alsoe/ men dat doet boven en(de) beneden Ende want hij tsijne(n)/ aencomene bevandt den wynt(er)art te(n) [zuyden] weure w(er)t gewo(n)ne(n)/ en(de) besaeyt op vier voren so sal hijt alsoe ten lesten jare/ vande(n) voirs(creven) t(er)mijne alsoe moeten laten En(de) den zom(er)art/ vandt hij bedreve(n) op twee voren en(de) geweelt uutgenome(n)/ vijf boende(re) die hij vant met [besayt op] eenre voren en(de) alsoe sal/ hij dat oic laten tsijne(n) afscheiden(e) Mair hij sal tsijne(n)/ lesten jare besaeyen vijf stie(re)n [zist(er)] erten custbaer goets en(de)/ oic drie [zist(er)] stie(re)n vitsen en(de) dland d(air)toe mesten It(em) wa(n)t/ de voirs(creven) wyn vandt tsijnen aencomene vijfdalf boend(er) lands/ ongewonne(n) en(de) onbesaeyt so es vorw(er)de dat hij die tsijne(n)/ afscheiden vande(n) voirs(creven) t(er)mijne sal moegen wynne(n) ende/ besaeyen en(de) de vruchten d(air)af toeghste na duutgaen vande(n)/ selve(n) t(er)mijne half te hemw(er)t trecken en(de) behoude(n) Ende mids/ dat de [leste] voirwynne tsijne(n) afscheiden te hemw(er)t toegh/ tsijne(n) koese de vruchten van eene(n) boende(r) wynt(er)corens en(de)/ d(air)toe de vruchten van and(er)halve(n) dachmale lands gelege(n)/ t(er) plaetsen geheeten al meir a sain gery en(de) desgelijx oic/ de drie vie(re)ndeel [twee d(er)de gedeelte] vande(n) vruchten va(n) and(er)halve(n) dach(mail) lands
//
gelegen a passage so es d(air)af ond(er)sproken dat de voirs(creven)/ wynne ten afscheiden van desen t(er)mijne oic tsijne(r) kuese/ de vruchten van eene(n) boend(er) wynt(er)corens en(de) de vruchte(n)/ vande(n) selven twee stucken te weten elck van and(er)halve(n)/ dachmale hebben en(de) themw(er)t trecken sal Ende/ oft hij tsijnen ae(n)comene e(n)nige vande(n) voirs(creven) lande/ het ware inden wynt(er) oft zomer art bloot ende/ onbedreve(n) vand so sal hij die moegen wynne(n) en(de)/ oic tsijne(n) lesten jare van dese(n) t(er)mijne besaeyen en(de) de/ vruchten toeghste d(air)na half te hemw(er)t trecken ende/ behouden Oic sal hij tsijne(n) lesten jare hebben ende/ behoude(n) [de helicht van] den vruchten van eene(n) stucke lands gelegen/ inde vallee va(n) courtelles neven dbosch va(n) hesart by/ alsoe dat hij tstroe d(air)af alsdan comen(de) comen sal ten/ p(ro)fijte vanden voirs(creven) lande It(em) sal de voirs(creven) joffr(ouwe) zanne/ jairlix hie(re)n bynne(n) hebben en(de) behoude(n) den hof renen(de)/ al meir [a] s(ain)t gery den welken de wyn wel en(de) loflic/ wynne(n) en(de) w(er)ven [en(de) besaeyen] sal en(de) alle tween jaren eens ov(er)meste(n)/ en(de) d(air)toe sal zij den saet leve(re)n It(em) Oic sal de selve/ joffr(ouwe) hebben jairlix dae(re)n bynne(n) tderdendeel [alle de criecken] de helicht/ van allen den nooten op te voirs(creven) goede wassende en(de)/ tderdendeel van allen den ande(re)n oefte opte voirs(creven) goede/ wassende It(em) sal de voirs(creven) wynne jairlix ov(er)tijt hie(re)n/ bynnen wynte(re)n en(de) zome(re)n d(er) voirs(creven) joffr(ouwen) twee coeye/ en(de) die voede(re)n en(de) doen hueden gelijc zijne(n) coeyen Oic/ sal zij [altijt] bynne(n) den hove ald(air) [ov(er)tijt] moegen houden loepen(de)/ en(de) gaende twee verkene en(de) hoende(re) by alsoe dat/ hue(re) maerte dier gaey slaen sal en(de) besorghen
//
It(em) sal de voirs(creven) wyn hae(r) oic moete(n) le doen tbedde/ stroe dat zij bynne(n) hare(n) huise ald(air) behoeft Oic/ sal hij heur jairlix hie(re)n bynne(n) halen t(er) plaetse(n)/ dat zij dat d(air)omtrimt copen sal veertich wisse(n)/ houts voe(r) hae(re) b(er)ringe ald(air) Item sal de voirs(creven) wyn/ jairlix desen t(er)mijn langh leve(re)n viii[c] walme(re) custbae(re)r/ walme(re) om de huysinghe aldair mede te deckene en(de)/ alsmen die ald(air) v(er)dect zo sal hij den wercklieden den/ montcost gheven en(de) zij sal hen de dachhue(re)n betale(n)/ Ende alle dand(er) stroe vanden voirs(creven) goeden comende sal/ hij slijten inden voirs(creven) hove en(de) te mest beke(re)n en(de) dat/ vue(re)n op te voirs(creven) lande dairs best behoeft en(de) [meest] va(n) noode/ es Oic sal hij de huysinge zo v(er)re hij dier heeft en(de) behoeft houde(n)/ van pleckene vander underster rikelen ned(er)w(er)ts op zinen cost/ en(de) der voirs(creven) joffr(ouwen) jairlix hie(re)n bynne(n) twee daghe ty(m)me(re)n t(er)/ plaetsen dairt huer gelieft It(em) sal de zelve wynne op dleste/ jair van zijne(n) t(er)mijne saeyen inden voirs(creven) hof [ald(air)] vijf stie(re)n [zist(er)]/ lijnsaets d(air)af hij tvlas zelve hebben en(de) behouden sal en(de) tsurpl(us)/ vanden selven hove sal hij alsdan bedriven [en(de) besaeyen] op twee voren/ en(de) de helicht van dien vruchten themw(er)t trecken en(de) behoude(n)/ Oic mach hij ald(air) doen roden en(de) [dan dat wynne(n) en(de)] de vruchten die hij/ d(air)op wynne(n) sal tsijne(n) lesten jare van desen t(er)mijne sal/ hij desgelijx alsdan half hebben mair gelievet hem/ zo mach hijt laten teeussele liggen It(em) wairt dat der/ voirs(creven) joffr(ouwen) geliefde uuten groten hove ald(air) woene(n) te gaen of alw(er)t/zo zoude de wyn hue(r) jairlix zo lange [als] zij dan dair woe(n)de[dat zij dair bleef woenende en(de) hem v(er)droege]/gheven voe(r) thouden vanden voirs(creven) beesten en(de) thalen vande(n)/ voirs(creven) houte so sal hij hue(r) jairlix d(air) voe(r) gheven drie/ mudde corens d(er) maten voirscr(even) It(em) sal de voirs(creven) wyn
//
de drie deel vanden vruchten ten lesten jare va(n) zijne(n)/ t(er)mijne op de drie dachmail lands wassende gelegen/ te v(er) thenchoul wairt hebben en(de) behoude(n) ende ten leste(n)/ jare van desen t(er)mijne zo mach de voirs(creven) joffr(ouwe) stellen van/ hue(re)r hand eenen saeye(r) ald(air) om de vruchten alsdan [van beide(n) arde(n)] te/ saeyen den welken de voirs(creven) wyn den montcost en(de) dachue(re)n/ gegeven sal en(de) d(air)toe den tsaet leve(re)n It(em) sal de voirs(creven) wyn oic/ moegen wynnen en(de) werven zijns zelfs lande en(de) de/ vruchten d(air)af vue(re)n in zijn hof te gentines en(de) die ald(air)/[v(er)doe(re)n] v(er)boeste(re)n en(de) orbe(re)n behouden bij alsoe dat dese d(er) voirs(creven)/ joffr(ouwen) goede en(de) wy(n)ni(n)gen dair by niet v(er)achtert en w(er)den/ It(em) want den voirs(creven) wynne tsijnen aencomene byder voirs(creven)/ joffr(ouwen) geleend wa(r)en alrehande beeste p(er)de koeye wagen(en) eeghd(en)/ ploege en(de) h(er)nasch d(air) toe dienen(de) die by goeden ma(n)nen/ tsame(n) getaxeert wa(r)en op veertich gulden pet(er)s te/ achtien stuv(er)s tstuck so es vorw(er)de dat hij tsijne(n)/ afscheiden(e) die wed(er) t(er) taxacien d(er) voirs(creven) joffr(ouwen) ov(er)/ leve(re)n sal en(de) oft zij dan myn geschatt werden dat/ sal hij heur oprichten en(de) werden zij meer geschatt/ dat sal hem te baten comen Ende oft hier inne/ e(n)nige pointen en(de) vorw(er)den donckerlic v(er)cleerd zijn oft/ qualic v(er)staen so es vorw(er)de datm goede ma(n)s/ er[d]wy(n)nen hen dies v(er)staende dat zelen cle(re)n en(de)/ v(er)richten selen na redene en(de) regule va(n) ploeghrechte/ It(em) sal de voirs(creven) wyn zijne(n) t(er)mijn langh moegen houwe(n)/en(de) struncken alle quaet gesprange [heggen en(de) haghen] en(de) truncken truncken/ willegen popele(re)n en(de) ande(re) boome die costumelic zijn te/ struncken en(de) voe(r) elke oude willege twee nuwe [jonge] willege(n)
//
wed(er) moete(n) planten Ende dmest dat hij bynne(n) den/ voirs(creven) hove met zine(n) beesten ten lesten jare va(n) dese(n)/ t(er)mijne maken sal van ingange m(er)te tot s(in)t/ jansmisse d(air)na uutgangs desselfs die sal hij/ inde messie ald(air) moegen laten Ende alle dese/ vorw(er)den (et)c(etera) cor(am) lye(ming)[en] coelen no(vembris) vi