It(em) also alse tusschen h(er) janne van oest(er)zele p(er)soon van kyesekem t(er) eenre zijde(n)/ en(de) janne cleynvrancx ter ande(re) geschille geweest es voe(r) m(ijnen) he(re) den officiail/ van ludick te loeven rue(re)nde en(de) oirspronck nemende vander pechtinghen/ vanden hove en(de) goeden svoirs(creven) p(er)soons die de voirs(creven) jan cleynvrancx tege(n)/ hem verpacht heeft gehadt met scepen(en) brieven va(n) loeven en(de) dair na/ vanden selven geschille zeke(re) handelinghe en(de) uutsprake bij meester/ robbeerte vanden poele doctoire in beiden rechten en(de) mees(er) arnde/ campion lice(n)ciaete in legib(us) advocat(en) shoofs van ludick d(air)af gedaen/ es geweest So eest dat de voirs(creven) h(er) jan navolgende der zelv(er) uutsp(ra)ken/ en(de) om dier genoech te zijne in teg(enwoirdicheit) der scepen(en) van loeven gestaen/ heeft den voirs(creven) cleynvrancx quijtgeschouden vanden scepen(en) brieve(n)/ en(de) pechtingen voirger(uert) en(de) van allen actien eyschinghen en(de) aensp(ra)ken/ die hij uut ocsuyne der zelv(er) pechtinghen oft oic anderssins te hemw(er)ts/ hadde oft hem soude hebben moghen eysschen tot desen daghe toe/ Bekennende de selve h(er) jan hem dairaf vanden voirs(creven) janne volcomelic/ voldaen en(de) vernueght tymple as(oloens) dec(embris) vi