It(em) die eerw(eer)dighe he(re)n p(ri)oer ende co(n)vent sgoidshuys vanden p(re)dike(re)n/ te loeven inden name ende van weghen desselfs goidshuys hebben wettelic/ gemechticht en(de) volcomen macht geg(even) en(de) met des(en) l(ette)ren mechitch maken/ en(de) volcomen macht gheven pete(re)n de bruyne lijnenweve(re) woenen(de)/ te nederijssche om alle alsulken rinten alse hen verschenen zijn/ en(de) uutstaen ombetailt en(de) namails verschinen selen van alsulken vier/ rijnsch(e) gulden(en) erfliker rinten alse tvoirs(creven) goidshuys heeft ende/ houden(de) es met scepen(en) brieven vander loonbeken aen en(de) op zeke(re)/ goede jans van huldenberghe he(re) vander loonbeken gelegen t(er) loenbeken/ gelijc de selve brieve d(aer)op gemaict int jari xiiii[c] en(de) vijftich thien/ daghe in octobri die begripen Te manen teyschen op te bo(r)en en(de)/ tontfanghen den sculde(re)n van zijnen ontfanghe quijt te schelden en(de)/ quitancie te gheven de selve rinten met rechte te vervolgen en(de)/ ten eynde van rechte te bedinghen aen en(de) tegen eene(n)yegeliken ende/ tot allen plaetsen daer dat behoeven en(de) te doen sal moegen wesen/ en(de) alle manie(re)n en(de) pointen van rechte d(aer)inne te vorde(re)n en(de) te hante(re)n/ die na recht oft costume vand(en) plaetsen daer dat geboert beho(r)en/ moegen ende voerts alle tghene (et)c(etera) Geloven(de) vast cu(m) (com)putatio(n)e/ aprilis xvii