It(em) h(er) coenrard vander mee(re)n ridde(r) en(de) doctoir in beiden rechten in teg(enwoirdicheit) (et)c(etera) heeft/ openbairlic gekend en(de) gelijdt dat jan vanden boome die langhe zijn rintmeest(er)/ en(de) diene(r) geweest heeft en(de) noch es hem volcomen rekeni(n)ghe bewijs en(de)/ betalinghe gedaen heeft van allen den renten pachten schulden en(de) p(ro)fijten/ die hij inden name ende van weghen svoirs(creven) h(er) coenraeds en(de) alse zijn rintmeest(er)/ opgeboirt en(de) ontfanghen heeft tot den daghe toe van heden het zij van/ bosschen oft van ande(re)n goeden oft rinten hoedanich die zijn den voirs(creven)/ janne dairaf volcomelic quijtsceldene ende gelovende de selve h(er) coenraed/ den voirs(creven) janne uut saken van zijnen rintmeesterscape oft bewynde dat/ hij vanden goeden rinten en(de) v(er)vallen desselfs h(er) coenraeds tot desen daghe/ toe gehadt heeft ne(m)m(er)meer aen te spreken te quellen oft te moeyen bij/ hem selven of yeman(de) and(er)s in e(n)nig(er) manie(re)n zande vync ap(ri)lis xiiii