It(em) also als zek(ere)n stoot uutstond tusschen h(er) jacoppen van glymes geheten/ va(n) opgeldenaken ridder in deen zijde en(de) joncker wille(m)me va(n) glymes/ geheten van opgeldenaken zijnen brueder in dande(re) alse vanden poente(n)/ hier na geruert Te weten van dat de voirs(creven) joncker willem yesch/ scadelois gelost ende ontslaghen te werden vander borchtocht van/ vier ryders lijftochten daer voe(r) hij borghe steet en(de) anderwile/ bleven es voe(r) wilen h(er) janne van glymes ridde(re) sone svors(creven) h(er) jacobs/ aen jacoppen van dongelberghe gelijc scepen(en) brieve van loeven d(air)op/ gemaict dat begripen Ende van dat de voirs(creven) willem meynde/ dat hem volghen soude den erfpacht hier na bescreven die der/ voirs(creven) gebruede(re)n vorders toe te behoiren plach te weten eenen zack/ corens erflic op zeke(re) goede te piet(er)hem gelegen en(de) een half mudde/ corens erflic op zeke(re) goede te brockuyt gelegen niet wederstaende/ zek(ere)n vercoope bij hem gedaen den voirs(creven) h(er) jacoppen van desselfs/ willems versterffeniss(en) daer inne den voirs(creven) erfpacht niet sculdich/ en was begrepen te wesen mair was oic inder comanscap uutge/ nomen hoewel de scepen(en) brieve van loeven dair op gemaict dat/ niet en begrepen also de voirs(creven) willem seggen woude p(rese)nte(re)nde/ dat te houden tsijnre eed oft den voirs(creven) zijnen brueder over te gheven/ Ende de voirs(creven) p(ar)tien vanden voirs(creven) geschille hen gekeert hebben in/ goede mannen en(de) segge(re)n te weten jan jacoppen van dongelberge/ voirscr(even) en(de) baudewijne henrie meye(re) te meylhem gelovende de selve/ p(ar)tien vast en(de) gestentich te houden en(de) te voldoen wes de vors(creven) zegg(ere)n/ dairaf uutspreken souden bynnen eenen zek(ere)n tijde d(air)toe genoempt/ So zijn de selve segge(re)n comen voe(r) scepen(en) van loeven en(de) hebben/ heure segghen vanden voirs(creven) geschille bynnen den tijde inden voirs(creven)/ verbonde genoemt te vo(r)en p(ar)tien redenen ende bescheid in dla(n)ge/ aengehoirt eendrechtelic uutgesproken ende geseeght in des(er) vuegen/ Te weten yerst dat de voirs(creven) h(er) jacob gehouden zijn sal den voirs(creven)/ zijnen brueder en(de) den ande(re)n borghen vander voirs(creven) lijftocht altijt costel(ois)/ te lossen en(de) tontheffen vander selv(er) borchtocht van vier ryd(er)s/ beide van principale en(de) van allen acht(er)stelle en(de) van des dairaf/ voirtaen verschinen sal en(de) dat de voirs(creven) h(er) jacob dairaf staen/ sal inde stad vanden voirs(creven) wilen h(er) janne zijnen sone en(de) de/ selve lijftocht moeten afleggen en(de) de borghen met alle(n) costel(ois)/ tontslaen tusschen dit en(de) s(in)t jansmisse baptisten naistcomen(de)/ En(de) die lossinghe geschied zijnde zal de voirs(creven) willem den voirs(creven)/ zijnen brueder ov(er)gheven en(de) doen hebben alle de brieve va(n) beleide/ en(de) ande(re) die hij en(de) die ande(re) borghen opte goede svoirs(creven) wilen/ h(er) jans hebben moegen dienende tot heuren ontheffene der vors(creven)/ borchtochten It(em) dat den voirs(creven) h(er) jacoppen navolgende den/ voirs(creven) scepen(en) brieven van loeven rue(re)nde vanden v(er)coope va(n) svoirs(creven)
//
zijns brueders kynsgedeelte volgen sal den voirs(creven) erfpacht vanden/ eenen zacke ende eenen halven mudde corens voirscr(even) zonder dat de/ selve h(er) jacob op dov(er)gheven vanden eede voirscr(even) e(n)nige onschout sal/ dorven doen maer sal den selven scepen(en) brief vanden voirs(creven)/ vercoope gemaict van weerden bliven en(de) gehouden worden also/ hij sprect all sonder argelist tymple ouder(ogghe) junii iiii