It(em) katline vanden poele dochter willems wilen vanden poele/ in jeg(enwoirdicheit) d(er) scepen(en) van loeven gestaen heeft geme wettelic/ gemechticht en(de) volcomen macht gegeven en(de) gheeft met/ des(en) l(ette)ren agnezen vanden poele heurer zuster om alle de/ renten pachten tsijsen lijftocht renten en(de) ande(re) schulden diemen/ der voirs(creven) katlinen alsnu sculdich es of namaels wesen sal/[hoedanich de die zijn] te manen teyschen op te bo(r)en en(de) tontfanghen de schulde(re)n van/ des zij ontfanghen sal quijt te schelden en(de) quita(n)cie te gheve(n)/ de selve renten pachten tsijse lijftochten en(de) ande(re) schulden/ aen en(de) tegen ene(n)yegeliken en(de) in allen gerichten daer dat/ behoert met rechte te vervolgen en(de) te bedinghen ende/ alle poenten en(de) manie(re)n va(n) rechte daer inne te vorde(re)n die/ daer toe na rechte of costume vand(en) plaetsen daert geboert/ beho(r)en moeghen en(de) alle tghene d(aer) inne te doen en(de) in des/ daer aen cleeft des de voirs(creven) katline selve soude moegen/ doen of vorde(re)n waert dat zij voe(r) oghen ware Geloven(de) vast/ en(de) gestentich te houden tot eeuwegen dagen wes bider voirs(creven)/ agnezen heurer zuster daer inne het zij te wy(n)ne of te v(er)liese/ gedaen sal werden in e(n)niger manie(re)n behoudelic in des(er) dat de/ voirs(creven) agneze hen [va(n) heuren bewynde] der voirs(creven) heurer zuster altijt goede rekeni(n)ge/ en(de) bewijs doen sal en(de) gehouden zijn te doen also de selve agneze/ oic geloeft heeft te doen der selv(er) heurer zust(er) tot heurer manissen/ eisd(em)