It(em) navolgende den voirs(creven) vo(n)niss(e) heeft de voirs(creven) willem van daelhem dach/ genomen om de rekeninghe over te gheven voe(r) de stad alhier op en/ goensdaghe naistcomen(de) te mistide Ende alse vander clachten die de/ voirs(creven) willem de wyn gedaen heeft opten voirs(creven) wille(m)me va(n) daelhem/ va(n) xl ryders uut saken van zek(ere)n onthavenen renten also hij voe(r)/ den burg(er)meest(er) lod(ewijcke) roelofs cleerde hebben de selve p(ar)tien dach/ genomen des tweesten donredaighs na s(in)t jans dach naistcomen(de) tot welcken/ daghe de voirs(creven) willem van daelhem heeft geloeft te rechte alh(ier) te comen/ en(de) dair voe(r) es borghe desselfs willems jacob hozen (Et) p(ri)mus cor(am)/ ludovico roelofs burg(imagistro) p(re)d(i)c(t)o tsdonred(aichs) junii xiiii