Reyne(r) cocks/ It(em) also reyne(r) cocks alse geleidt tot den goeden have en(de) erve jannes/ aussems met scepen(en) brieven van loeven sprekende va(n) tween ryd(er)s/ lijftochten staende ten live g(er)truyden cole weduwe philips wilen/ van steenland en(de) jans heurs soons heeft doen scriven den meye(r)/ van nederlynthe(r) oft zijnen stedehoude(r) hem de selve goede gelijc/ die hier onder bescreven staen te leve(re)n Ende oft de vors(creven) ja(n)nes/ dair tegen yet seggen of alleg(ere)n wilde dat hij des alh(ier) in trecht/ quame tot eenen zeke(re)n daghe op heden dienende Ende de vors(creven)/ jannes alhier niet comen en es den voirs(creven) reyne(re)n alhier comende/ en(de) trecht versueckende thoenende oic certificacie vander execucien/ geschiet vanden voirs(creven) versuecke bijden voirs(creven) meye(r) so hebben/ de scepen(en) van loeven ter manissen tsmeyers gewijst voe(r) een/ vo(n)nisse So verre svoirs(creven) geleidden wederp(ar)tie niet en quame ten/ opstaene tsmeyers en(de) van hen datmen hem dan houden soude/ vanden voirs(creven) goeden in zijnen beleide tot zijnre wettig(er) schult/ behoef zo verre het noch voer hen comen es Cor(am) blanck(ar)t b(er)the(m)/ roel(ants) oppend(orp) borgh vync caverson julii vii