It(em) de voirs(creven) jannes heeft den voirs(creven) adriane pet(er)ssoen in vestich(eit) der vors(creven) lijfrente(n)/ in handen gestelt en(de) gelev(er)t met rechte voer den vorste(r) en(de) poirt(er)s h(ier) na bescr(even)/ de juwelen h(ier)na bescr(even) Te weten yerst eenen zilve(re)n overdecten croes met/ eenen wildeman boven en(de) eenen zilve(re)n wat(er)pot tsamen wegen(de) drie marck/ drie oncen en(de) vijf yngelsche It(em) eene(n) v(er)gulden(en) ov(er)deckten croes buyten en(de)/ bynne(n) v(er)gult boven met eene(n) witten leeukene v(er)wapent met twee vysschen bi(n)nen/ met eene(n) fransijnkene d(air)aen hangende wegen(de) drie m(ar)ck twee oncen xv i(n)gelsche/ It(em) noch twee v(er)gulden croesen den eene(n) buyte(n) en(de) bi(n)nen al v(er)gult met eend(er)/ rosen inden steel bynnen en(de) den and(ere)n buyten v(er)gult met eene(n) witten leeuwe bove(n)/ opte(n) steel wegen(de) tsamen twee m(ar)ck twee oncen vii(½) yngelsche om den selven/ pensionar(is) of trecht en(de) dactie vand(er) voirs(creven) lijft(ocht) namails hebben(de) de selve lijft(ocht)/[en(de) dinhoud vande(n) vors(creven) scepen(en) br(ieven)] d(air)aen/ te moege(n) nemen en(de) v(er)reycken zo wa(n)neer hen gelieft en(de) zij d(air)af in gebreke zijn/ En(de) de selve lijft(ocht) geq(ue)ten of verstorven zijnde zo salmen den vors(creven) he(re) of zijnen/ p(ro)cur(eur) de vors(creven) juwelen laten volgen zo v(er)re die d(air)voe(r) niet geexequeert en zijn/ Cor(am) crauwel for(estario) (et) d(i)c(t)is scab(inis) t(am)q(uam) scabinis (et) opidanis eod(em)