It(em) loenijs van bierbeke heeft gelooft huyghen en(de) janne van udekem gebrued(ere)n/ aut alt(er)i te doen een bedevairt te meylanen en(de) den wech dairaf/ aen te nemen bynnen xl daghen naistcomen(de) en(de) goede wairh(eit) d(air)af/ te bringhen na des(er) stad recht oft heuren moed te hebben in emenden/ en(de) beterniss(en) van zek(ere)n oneerliken en(de) iniurieusen woirden die de vors(creven)/ loenijs onlanghs gesproken heeft tegen den voirs(creven) janne van ende op/ wilen janne de walsche der voirs(creven) gebruede(re)n oudervader van heurer/ moeder weghen Heeft voirt gelooft de voirs(creven) loenijs dat hij op en goens/ daghe naistcomen(de) comen sal voe(r) meye(r) en(de) scepen(en) van bierbeke inde banck/ aldair en(de) aldair openbairlic te seggen dat hem de voirs(creven) woerde/ leet zijn en(de) niet anders dan goed en weet vanden voirs(creven) wilen ja(n)ne/ noch nye en wiste en(de) dat hij de woerde die hij geseeght heeft heeft/ geseeght uut heytten en(de) erren moede oft d(er)re gelike woerde in substa(n)cien/ Cor(am) opp(endorp) vync sept(embris) xiiii