Vander questie gecome(n) voe(r) de(n) raide vander stad tussce(n) anthonise van/ wynge wettich sone jans wile(n) van wynge in deen zijde barth(elmeeus) de/ ruyssche van weghen katlijne(n) van wynghe zijnre huysvrouwen/ in dande(re) ende peter heyme inde(n) name van zijne(n) wettige(n) kijnde(re)n/ die hij heeft behouden van barberen van wynge wilen was zijn/ huysvrouwe inde derde alse vanden goeden die hen bleven en(de)/ verstorven zijn van ende na de doot jans wilen van wynge/ ende katlijnen wijlen willemairs zijnre huysvrouwen vader/ ende moeder der voirs(creven) kijnderen is get(er)min(er)t dat de voirs(creven)/ partien selen deylen alle derflike goede voirs(creven) soe verre die/ niet en staen in questien ende dair af en sal gheen verthide/ nisse geschien voir dat zij vanden vliegenden erve beslicht/ selen zijn metter minnen oft metten rechte Actu(m) in pleno (con)silio/ aprilis secunda