It(em) meester jan van oelen cyrurgijn woenen(de) te turnhout in deen zijde/ en(de) claes vekeman s(in)tepetersman te loeven woenen(de) toud turnout in/ dande(re) hebben hen verbonden en(de) gesubmitteert vand(en) questien en(de)/ geschillen tusschen hen uutstaende alse van dat de voirs(creven) meest(er) jan/ den voirs(creven) claese ende henricken puyflet geheten heurne van zek(ere)n/ quetsue(re)n genesen heeft en(de) des dairaen cleeft in zegg(ere)n ende/ vriendelike yffene(re)n Te weten de voirs(creven) meester jan in janne canfort/ en(de) claese boecheze ende de voirs(creven) s(in)te petersman in henr(ick) trappart/ en(de) jacoppen de jonghe vanden welken de voirs(creven) zegg(er)s volcomen infor/ macie hebben(de) heure eendrachtighe uutsprake doen selen tusschen dit/ en(de) sinxenen naistcomen(de) en(de) oft e(n)niger p(ar)tien zegg(ere)n gebraken dat/ zij alt(oes) ande(re) in die stad nemen selen moegen En(de) oft zijs niet/ eens en worden dat zij tsamentlic eenen overman nemen selen/ die zijn uutsprake d(air)af doen sal bynnen eenre maend daernae/ P(ro)mitt(entes) rat(um) Cor(am) vynck heyk(ens) maii xiii