It(em) claes boys geheten de briede(re) woenen(de) te bierbeke en(de) peter va(n) vessenake/ woenen(de) te mille hebben gelooft ongezundert wille(m)me van bierbeke gehete(n)/ van wilre hondert hollan(sche) gulden(en) te xvi stuvers tstuck tderdedeel dairaf/ ts(in)t jansmesse naistcomen(de) dander derdel te bamesse dair na volgen(de) ende/ dleste derdedeel te kersmesse dair na volgen(de) te betalen en(de) telcke(n) t(er)mijne/ alse v(er)volghde schout alse vanden schaerhoute van eenen bossche svoirs(creven)/ willems gelegen tuschen den wijng(ar)t van tsh(er)togendale en(de) den hof gehete(n)/ die vettelen welc hout de voirs(creven) sculd(ere)n also zij bekinden tege(n) hem voe(r)/ de voirs(creven) so(m)me gecocht hebben en(de) opte condicie hier na bescreven Te wete(n)/ dat de voirs(creven) willem sal mogen houden staende op tvoirs(creven) bosch tweehond(er)t/ stucken houts elc van eenre ellen wijt oft dair ond(er) die hij willem d(air)op kyesen/ sal ende de voirs(creven) sculd(ere)n tvoirs(creven) bosch houwen en(de) geruympt moeten hebben/ bynnen meys naistcomen(de) en(de) wat dae(re)nbynnen niet geruympt en es sal de/ voirs(creven) willem moghen aenveerden en(de) behouden sonder begrijp Voerts hebben/ de voirs(creven) sculd(ere)n gelooft oft zij vanden voirs(creven) houte yeman(de) and(er)s yet v(er)cochte(n)/ dair af zij pe(n)ninghe uutsetten tot zek(ere)n daigen te betalen dat zij dan den/ coop(er)s de selve pe(n)ninghe selen mede doen geloven den voirs(creven) willem(me) om he(m)/ die te mogen trecken in afslage zijnre voirs(creven) so(m)men Cor(am) eisd(em)