It(em) de voirs(creven) jan en(de) yde zijn wijf hebben in meerd(er) vestich(eit) des vors(creven) es/ gelooft tot heuren coste den voirs(creven) janne de briede(re) en(de) oic den/ borghen tot heurer maniss(en) aut alt(eri) in handen met rechte dair/ dat behoirt te setten de goede hier na bescreven Te weten ierst/ heur huys en(de) hof dat zij liggende hebben inde prochie van/ steynhockesele te dyke comen(de) met den eenen ynde aende strate/ en(de) met den ande(re)n ynde aen den wech die van candriessche te/ humelghem wairt It(em) (½) dach(mael) lands gelegen aen tvoirs(creven) huys/ It(em) een dach(mael) lands gelegen inde prochie van steynhockesele opt/ dykervelt neven de goede der kynde(re)n jans wilen gruwell om/ den vors(creven) janne zijn betalinghe d(air)aen te nemen en(de) den borghen/ inden gevalle oft zij oft deen van hen beschadicht wae(re)n va(n)/ des voirs(creven) es met coste en(de) co(m)me(r) die d(air)op soude moegen comen/ hen dairaen te verhalen en(de) anders niet Ende die betaelt/ zijnde bijden voirs(creven) gehuyschen zo salmen dit en(de) de vestich(eit)/ die geschien sal te nieute doen Cor(am) eisd(em) Sen(tentiatum) ut pro eisd(em)