Allen den ghenen (et)c(etera) dat steven berckman en(de) oede ruelens zijn/ wijf dochter henricks wilen ruelens hebben geco(n)stitueert gestelt/ en(de) geordineert en(de) met des(en) l(ette)ren constitue(re)n stellen en(de)/ ordine(re)n heuren p(ro)cur(eur) en(de) voergange(r) lambrechte va(n) balen/ zwag(er) der vors(creven) oeden in allen heuren saken geschillen/ en(de) bederven die zij nu uutstaende hebben of namails/ hebben selen in aenlegg(er)s of verweerd(er)s stad hoedanich/ die zijn Gevende en(de) verleenen(de) de vors(creven) constitueerd(er)s den/ voirs(creven) heuren p(ro)cureur volcomen macht auctoriteit en(de) zund(er)linge/ beveel alle de selve saken met rechte te verwae(re)n te bescudde(n)/ te vervolgen en(de) te bedinghen tallen plaetsen en(de) gerichten/ en(de) tegen eene(n)yegeliken dair dat behoeven sal moegen En(de)/ desgelijcx om alle der vors(creven) constitueerd(er)s tsijze rinten pachte(n)/ en(de) schulden diemen hen nu sculdich es of namails wesen sal/ te manen teyschen op te boe(re)n en(de) tontfanghen den sculde(re)n va(n)/ zijnen ontfanghe quijt te schelden en(de) quitancie te geven dage/ en(de) respijt te verleenen vanden ande(re)n D(air) voe(r) te panden te/ daghen en(de) rastamente te doen leggen composicie en(de) mynlike/ yffeninghe d(air)af te maken scepen(en) brieve te vo(n)niss(en) en(de) die/ texeque(re)n De selve tsijze rinten pachten en(de) schulden met/ rechte teyschen en(de) te vervolgen die te wynnen en(de) te/ verliesen getuygen ofts behoeft te leyden der wed(er)p(ar)tien/ getuygen te zien swe(re)n die te batte(re)n te replice(re)n te duplice(re)n/ also wel int principael als int accessoir also dicwile en(de)/ menichwerven als des te doen zijn sal en(de) alle poenten en(de)/ articulen va(n) rechte d(air)toe te vorde(re)n die na recht of costume/ vand(er) plaetsen dair dat geboirt behoiren moegen en(de) den/ vors(creven) p(ro)cur(eur) orb(er)lic duncken selen En(de) voirts alle tghene (et)c(etera)/ Geloven(de) vast cum comput(atione) (et) revoc(atione) hanck(ar)t sub(stitu)[to] roel(ants)/ vos scab(inis) febr(uarii) xx