It(em) de voirs(creven) joes ende cornelijs hebben den voirs(creven) h(ere)n symoene/ in meerder vestich(eit) der voirs(creven) rinten in handen gestelt en(de)/ gelevert met rechte voe(r) den vorste(r) en(de) poirt(er)s h(ier) na genoemt/ de silve(re)n juwelen h(ier) na bescr(even) Te weten ierst twee zilve(re)n/ overdecte croese de boirde vergult wegende twee m(er)ck/ min vi yngelsche It(em) drie zilve(re)n croese de boirde v(er)gult/ wegende xii(½) oncen scaers It(em) eenen zilve(re)n vergulden(en) waterpot met cristalle wegende metten cristalle een m(er)ck/ en(de) ii oncen Om den voirs(creven) pensionarisen oft trecht en(de)/ dactie vanden voirs(creven) scepen(en) brieven namails hebben de vors(creven)/ lijftocht en(de) dinhoudt vanden voirs(creven) scepen(en) brieven d(air)aen te/ moegen nemen en(de) te verreicken zo wanneer hen gelieft en(de)/ zij d(air)af in gebreke zijn Ende de vors(creven) lijftocht ver afgeq(ue)ten/ verstorven oft verpandt zijnde so salmen den vors(creven) joese/ en(de) cornelise de vors(creven) juwelen laten volgen zo verre die/ dair voe(r) met rechte niet geexequeert en zijn Cor(am) jasp(ar)/ claes for(estari)[o] (et) d(i)c(t)is scab(inis) t(am)q(uam) scabinis (et) opidanis eodem