Cond zij allen lieden dat h(er) willem van goir deken sgoidshuys van/ s(in)te cornelijs [mu(n)stre] ten eynden en(de) als p(ro)cureur desselfs goidshuys/ heeft gegeven ende bekindt gegeven te hebben janne m(er)cels/ woenen(de) te loeven de thiende den voirs(creven) goidshuyse toebehoiren(de)/ te meensele gelegen Te houden ende te hebben van s(in)t ja(n)smisse/ naistcomende eenen termijn van sess jairen langh deen na/ dander zonder middel volghen(de) Te weten de vijff ierste/ jaire elcx jairs dae(re)nbynnen voer en(de) om zesthien rijnsch(en)/ gulden(en) goed en(de) ghinghe te xx stuv(er)s tstuc en(de) iii pl(a)c(ken)/ brabants voer elken stuv(er) gerekent en(de) tseste jair voer/ en(de) om acht gelike rijnsch(en) gulden(en) inder weerden voirs(creven)/ ts(in)t jansmisse te betalen den vors(creven) goidshuyse oft zijnen p(ro)cur(eur)/ jairlicx den vors(creven) t(er)mijn due(re)nde (et) quo(li)[b(et)] ass(ecutu)[m] Ende/ es vorwerde wairt dat de vors(creven) jan bynnen den vors(creven) t(er)mijne/ e(n)nighe schade hadde oft lede van tempeeste oft gemeynen/ orloghe dat hem dan tvors(creven) goidshuys d(air)af rastoir doen/ sal gelijc ande(re) he(re)n en(de) p(re)laten heuren wynnen [van geliken] doen selen/ lyeminghen vos ap(ri)lis xxi