Item jan vyngher verwe(r) soen jans wilen vyngher in deen zijde en(de)/ h(er) wouter van voshem priester in dande(re) in teg(enwoirdicheit) (et)c(etera) sijn met malcande(re)n/ ov(er)comen en(de) eens worden voir hen heuren oiren erven en(de) nacomelinge(n)/ der vorwerden ende poenten hier na bescreven die zij deen den ande(re)n/ tot eeuwighen daghen gelooft hebben tonderhouden en(de) te voldoene Te/ weten dat alsulke metselrie en(de) ty(m)meringhe alse de voirs(creven) h(er) wout(er)/ onlanghs leden heeft doen maken en(de) ty(m)me(re)n op den muer des vors(creven)/ jans staende acht(er) den hoff des voirs(creven) h(ere)n wout(er)s gelegen inde coest[ra]te/ aen dbachuys desselfs jans ten eynde van zijnen hove ald(air) acht(er)
//
zijn huys ende hof gelegen inde strate gaende vander kercken/ van s(in)te gertruyden te loeven ter coestraten wairt sal bliven/

staende Op den selven muer [sal bliven staende] zo die nu steet tot eeuwigen/ daghen zonder e(n)nich wederseggen des voirs(creven) jans oft/ yemants and(er)s oft hem dair toe in toecomenden tijden e(n)nichs/ rechts te moegen vermeten in e(n)nigher manie(re)n Ende des/ sal de voirs(creven) jan tot eeuwighen daghen hebben en(de) behouden/ van zijnen bachuyse ald(air) gelegen zijnen oziendrup ende/ waterval doir de loeten goete desselfs h(er) wouters tussche(n)/ heurer beider huysen aldair gelegen over derve desselfs/ h(er) wout(er)s ter minster schaden gelijc de selve goede desselfs/ jans heuren osiendrup ende watervall aldair op den dach/ van heden houden(de) en(de) hebben(de) zijn welke goete vors(creven) de/ vors(creven) h(er) wouter tot zijnen laste ende coste teeuwigen dagen/ in goeden state en(de) wesene houden sall Cor(am) eisd(em)