Item also als onlanghs ten vervolghe der momboe(re)n vanden vier/ cleyn heilighengheesten bynnen der stad van loeven inden name/ vanden selven heyligheesten en(de) mathijs vanden berghe inden/ name van hem selven die met scepen(en) brieven van loeven heure(n)/ vorde(re)n bevesticht int jair xiiii[c] lix houdende zijn te wete(n)/ elc vanden voirs(creven) vier heiligheesten vier rijnsch(en) gulden(en) en(de)/ de voirs(creven) mathijs ix rijnsch(en) gulden(en) van alsulken xxv r(ijnschen) gul(den)/ erfliker rinten alse jan wilen de pryke(r) ten voirs(creven) tijde v(er)cregen/ heeft aen en(de) op de voirs(creven) goede hier na bescr(even) willems/ wilen van daelhem nu joff(rouwen) elzen pynnocx weduwe desselfs/ wilen willems Te weten ierst aen endep op huys ende hoff/ met den woeninghen hoven bog(ar)den en(de) allen heuren toehoirten gehete(n)/ thoff te daelhem alsoet gelegen es inde prochie van vyssenake/ tuschen de velpe ald(air) omgaens vlieten(de) It(em) aen en(de) op eenen/ vivere houden(de) een boender gelijc hij gelegen es achter de vors(creven)/ woeninghe It(em) op iii(½) boender beemds in eenen stuck gelegen/ neven de vors(creven) velpe ter eenre en(de) de gemyne eeussele van/ daelhem t(er) ande(re) en(de) neven de moelen van streke t(er) derde(r)/ zijden It(em) aen en(de) op drie boender beemds gelegen in eenen/ stucke over de voirs(creven) velpe aen deen zijde en(de) de gemeyn st(ra)te/ gaende van daelhem te streke wairt en(de) naist den goeden/ anthoenijs van vleesbeke It(em) op een stuc beemds houden(de) iii(½)/ dach(mael) gelegen achter de vors(creven) woeninghe van daelhem tusche(n)/ de goede svors(creven) willems van daelhem aen vier zijden It(em) op iii/ boender lants gelegen voe(r) tdaelhemvelt tusschen de strate/ gaende van daelhem te streke wairt en(de) de nuwestrate It(em)/ op sess boender lands gelegen opt strekervelt tuschen de/ voirs(creven) strate en(de) de goede gielijs van raetshoven en(de) naist/ den goeden wout(er)s le(m)mens Gescreven es geweest vand(er)/ stad weghen van loeven den meye(r) van halen [cumptich] of zijnen stadh(ouder)/t(er) nuwer capellen de selve goede voe(r) tgebreck der vors(creven) rinten/ den vors(creven) momboe(re)n en(de) mathijze te leve(re)n en(de) te doen volghen/ By alsoe oft de voirs(creven) joffr(ouwe) elze of yeman anders d(air) tegen/ yet seggen wilde dat zij tot eenen zek(ere)n daghe va(n) rechte/ alh(ier) quame voe(r) meye(r) en(de) scepen(en) van loeven in trecht gelijc/ de vors(creven) brieve dat voirder begripen mochten tot welken/ daghe willem van daelhem alse p(ro)cureur d(er) vors(creven) joff(rouwen)
//
ter eenre en(de) de voirs(creven) mathijs en(de) de momboe(re)n ter ande(re) voe(r) meye(r)/ en(de) scepen(en) van loeven in rechte gecompareert zijn en(de) de selve/ sake met rechte uutgestelt tot welken uutgestelden daghe/ noch ande(re)n daghen van rechte d(air) na geco(n)tinueert de selve/ joff(rouwe) noch heur p(ro)cureur te rechte niet comen en zijn ende/ henr(ic) steyman alse p(ro)cureur der voirs(creven) momboe(re)n en(de) den vors(creven)/ mathijse vanden b(er)ghen inden name van hem selven op hede(n)/ inde banck comen zijn alse ten daghe van rechte met rechte/ tot d(air)toe ge(con)tinueert trecht voirt versueckende dair nyema(n)/ tegen comen noch gecompareert en es So hebben de scepen(en)/ van loeven ierst aengehoirt eenen der stad bode van loeven die/ de lev(er)inghe vanden voirs(creven) goeden ov(er)mids den exploite ende/ execucien vanden vors(creven) versuecke ontfaen heeft ter manissen/ tsmeyers gewijst voer een vo(n)nisse So verre de vors(creven) joff(rouwe) elze/ of heur p(ro)cur(eur) niet en quame ten opstaene smeyers en(de) van hen/ datmen dan den voirs(creven) p(ro)cureur tot behoef d(er) vors(creven) heiligheeste(n)/ en(de) den vors(creven) mathijse voer hem selven houden sal in heurer/ lev(er)inghen also verre alst noch voer hen comen es Cor(am) roela(n)ts/ roelofs lyeminghen b(er)ghe vos heyk(ens) febr(uarii) xviii