SAL7762, Akte: V°66.2 (111 van 660)
Zoek akte
Vorige | Volgende
Akte V°66.2  
Act
Datum: 1474-09-14

Transcriptie

2018-12-28 door Walter De Smet
It(em) de voirs(creven) wouter in p(rese)ncia (et)c(etera) heeft gelooft den voirs(creven) symoene/
van wesenbeke zijnen sone tsijnre manissen te comen tot rethy/
en(de) hem [aldair] ten coste desselfs wouters met rechte te setten en(de) in/
title van wettigen onderpande te veroblige(re)n het zij met guedi(n)ge(n)/
of and(er)ssins zo hem dat na recht dienen en(de) behoeven sal alle/
zijn omberuerlike goede leene tsijsgoede en(de) ande(re) hoedanich die/
zijn moegen om hem symoene dairaen te verhalen en(de) te v(er)reicken/
alle alsulken gebreken costen schaden en(de) lasten als hij hebben sall/
moegen of liden uut ocsuyne der borchtocht voirs(creven) en(de) oic va(n) alle(n)/
ande(re)n borchtochten d(air) voe(r) hij voe(r) den vors(creven) zijnen vad(er) v(er)obligeert/
es of [hem] namails veroblige(re)n sal moegen met alle(n) costen en(de) lasten/
also wale costen van rechte als ande(re) van welken borchtochten/
costen en(de) lasten voirscr(even) de selve wouter gelooft heeft den vors(creven)/
zijnen zone scadeloes te houden en(de) tontheffen eisd(em)
Nagekeken doorJan Boncquet
ModeratorJan Boncquet
Laatste update:: 2016-05-10 door Jos Jonckheer