Cond zij allen lieden dat meester jan vanden wynckele meest(er) in arten/ en(de) bacheleer in loye soen jans [vanden] winckele in p(rese)ncia (et)c(etera) heeft uutgegeve(n)/ en(de) bekindt dat hij uutgegeven heeft voer hem zinen erven en(de)/ nacomelinghen symoene vander willighen sone wilen jans en(de)/ marien claes dochter heuren erven en(de) nacomelinghen twee/ huysen neven een gelegen met den hove en(de) met eenen nuwen huyse/ dair achter staende en(de) ande(re)n heuren toebehoirten gelegen in doude/ mu(n)tstrate tusschen tst[r]aetken geheten tkaer aen deen zijde ende/ de goede h(ere)n claes van s(in)te guericx ridders aen dander zijde hen/ streckende de vors(creven) goede tot den goeden joes de pape op alsulke(n)/ vorwerde ende condicie oft den voirs(creven) joese de pape in toecomen(de)/ tijden op zijn poirte aldair staen(de) en(de) op zijn goede dair neven/ gelegen geliefde te ty(m)me(re)n dat hij dat zal moegen doen en(de) de/ ty(m)meringhe van dien hechten en(de) vesten inden muer en(de) wand vanden/ voirs(creven) nuwen huyse des voirs(creven) symoens ende marien ten vors(creven) streetken/ wairt zonder wed(er)seggen van hen behoudelic oft hij mids dien de/ voirs(creven) wand crincte oft dairaen yet brake dat hij dat tot zijnre cost/ wederom sal doen maken en(de) repare(re)n Ende dat dan de voirs(creven) symoen/ en(de) marie tot heurer cost gehouden zijn sullen ald(air) tusschen tvors(creven)/ heur nuwe huys en(de) de ty(m)meringhe des voirs(creven) joes te leggene een/ goete om dwater van heurer beider erven comen(de) d(air)inne te vallen en(de)/ voirt zijnen loop en(de) val te hebbene en(de) te behouden tot in tvoirscr(even)/ streetken geheten tkaer ter straten uut welke goete alsoe geleeght/ zijnde de voirs(creven) symoen en(de) marie tot heuren coste van dan voertaen/ tot eeuwighen daghen in goeden state en(de) wesene houden selen erflic/ te houden en(de) te besitten opten co(m)mer en(de) last daer voe(r) uutgaende/ te weten viii l(i)b(ra) pay(ment) der capellen van onser liever vrouwen inde/ hoolstrate en(de) twee rijnsch(en) gulden(en) te xx stuv(er)s der mu(n)ten ons gened(ichs)/ h(ere)n (et)c(etera) tstuck erflik(en) rinten der weduwen henricks wilen van/ velpe uut den voirs(creven) goeden ten behoirliken en(de) gewoenliken tijden/ te betalen Ende voertaen op twee rijnsch(en) gulden(en) te xx st(uvers)
//
der mu(n)ten onss gened(ichs) h(ere)n voirs(creven) tstuc erfliker rinten alle jaire/ ts(in)t jansmisse baptisten te betalen den voirs(creven) meester janne [vanden] wynckele/ zinen erven en(de) nacomelinghen erflic teeuwighen tijden Et sub h(oc)/ sat(isfacere) (et) war(andizare) p(re)d(i)c(t)us m(a)g(iste)r joh(ann)es renu(n)cian(s) (et)c(etera) Necnon p(ro)sta(r)e p(re)dictu(m)/ joh(ann)em suu(m) p(at)rem p(ro)nu(n)c absen(tem) q(uod) infra a(n)nu(m) p(ro)xim(e) ventur(um) p(re)d(i)c(t)is/ symoni et marie de p(re)miss(is) satisfaciet i(n)q(uan)tum ipsum tangit p(ro)ut/ Met vorwerden dat de voirs(creven) symoen en(de) marie de voirs(creven) twee/ rijnsch(en) gulden(en) erflic des voirs(creven) meester jans zelen moeghen/ lossen en(de) afquiten zo wanneer hen dat gelieven sal elken pe(n)ni(n)g/ dairaf met achtien geliken pe(n)ninghen ind(er) weerden voirs(creven) en(de)/ met vollen tsijze roelants langr(ode) julii xx