It(em) jan die ronde zone wijlen jans wonen(de) te berghe ond(er)/ den meye(re) van campenhout ende willem s(er)claes zone wijlen jans/ wonen(de) te loven(e) hebben ghelooft indivisim m(ijn) hee(re) den abt des/ goidshuys van vliederbeke ende he(re)n janne van langrode profes/ inden selve(n) godshuyse aut alt(er)i te leve(re)n tusschen dit ende/ half meerte naestcomen(de) alle alsulke wit ghehouwen steynen(en)/ wercke van goeden gheven steenen nae begrijp vanden patroene/ dat he(m) mijn hee(re) voirs(creven) gelev(er)t heeft Dienen(de) tot twee pyle(re)n/ alsoe hoeghe als sij behoeven sullen nae den wercke inden voirg(eruerde)/ cloeste(r) van vlyederbeke elken voet hoeghe omgaens verbaest alsoe/ die beho(r)en om lviii stuv(er)s den st(uver) te iii pl(a)c(ken) Ende inden ghevalle/ oft de voirs(creven) mij(n) hee(re) dabt die selve dade halen opde cuyle dwelck/ hij doen mach dat hij hen mair van elken voet gheven en sal/ liiii stuv(er)s ind(er) selv(er) weerden Mair des sal m(ijn) hee(re) bynne(n) hebbe(n)/ zonder dair voe(r) yet te gheven eene(n) voet hoeg(er) dan omgaens/ vanden selven pyle(re)n Item desghelijx sullen zij inden voirs(creven) godshuyse/ bynne(n) den voirs(creven) tijde leve(re)n vynste(re)n tot ii ghelasen vynste(re)n alsoe/ vele alsmen dair toe behoeve(n) sal nae de forme vanden patroene/ Dair voe(r) hen de voirs(creven) abt oick betalen sal voir elken voet hoege/ xvii stuv(er)s ind(er) selv(er) weerden Ende in ghevalle [oick] oft oft de/ voirs(creven) m(ijn) hee(re) [die] dede halen opde cuyle Soe es vurw(er)de dat hij hen/ van elken voet cortten sal ii stuv(er)s Op welck werck voirs(creven)/ de voirs(creven) jan ende willem ghekent hebben ontfanghe(n) vande(n)/ voirs(creven) abt bij handen des voirs(creven) h(ere)n jans op goede rekeninghe/
//
vijftich rinssche gulden(en) te xx st(uvers) tstuck en(de) den som(me) als vo(r)e/ Ende de selve h(er) jan heeft hen toegheseegt en(de) ghelooft/ te kersmisse naestcomen(de) te betalen(e) noch vijftich rinssche/ guld(enen) inder selver weerden ende tsurplus als de leveringe/ vanden voirg(eruerde) ghehouwen(en) steenen ghedaen sal sijn cor(am)/ berg(hen) tybe aug(usti) xxvi