It(em) de voirs(creven) joffr(ouwe) lijsbeth heeft ghelooft den voirs(creven)/ lodewijke fakonir ende gorijse beghijns aut alt(er)i dat sij/ bynne(n) eene maent naestcomen(de) onder scepen(en) van loven(e)/ bringhen sal te hue(re)r beyder behoef testament van wijlen/ roelove hue(re)n man dair inne men bevi(n)den sal dat sij/ mechtich was de voirs(creven) goede tonderpande te setten(e) voir den/ voirs(creven) piet(er) lijft(ochten) ende voir de voirs(creven) xiiii pet(er)s eens ende dat/ aldair te bliven(e) o(m)me elken van hen beyden dat tot sijne(n) int(er)est/ te ghebruyken(e) op goede caucie weder o(m)me ghebracht te wordde(n)/ tott(er) tijt toe ende wijlen dat de voirs(creven) xiiii pet(er)s betaelt sullen / sijn ende en voirs(creven) pet(er) afgheleeght ende oft bij doode des/ voirs(creven) lodewijcx versmolten ende dat ghedaen datmen dan der/ voirs(creven) joffr(ouwen) lijsbetten tselve testament wed(er)o(m)me sal laten volgen(e)/ cor(am) eisdem