Item symoen hermans barbier die uut crachte van zek(ere)n/ scepen(en) brieven van loeven sprekende van iiii peters te xviii/ stuv(er)s tstuck lijftochten ten live des voirs(creven) symoens ende/ katlijnen meys zijns wijfs bekindt bij anthonijse meys/ comen en(de) beleidt es na den rechte der stad van loeven tot/ allen den goeden have en(de) erve desselfs anthonijs als/ yerste geleidt Dair op de selve symoen vo(n)niss(e) voer/ hem spreken(de) heeft in p(rese)ncia (et)c(etera) heeft gekindt en(de) gelijdt/ dat hij uut handen meester jans van beringhen wissele(r)/ te loeven ontfanghen heeft thien rinsch(en) gulden(en) te xx st(uvers)/ tstuck ende vier stuv(er)s die jan p(er)soons opten wissel gesett/ hadde uut saken van dien thien rinsch gulden(en) ende vier st(uvers)/ erflic die de voirs(creven) anthoenijs jairlicx heeft ts(in)t jansmisse/ baptisten vallende op thuys met der toebehoirten geheten/ den rosen hoet geleghen inde hoolstrate dwelc de vors(creven) jan/ op de voirs(creven) rente teghen den voirs(creven) anthoenijse gecregen/ heeft Ende dit in afcortinghen vanden principalen pe(n)ni(n)ge(n)/ der voirs(creven) vier peters met den pachte d(air)op verloepen vanden/ twee voer lest voergaen(de) jairen Scelden(de) den voirs(creven) janne/ p(er)soons en(de) zijn goede vorscr(even) vanden voirs(creven) thien rinsch(en)/ gulden(en) ende vier stuv(er)s volcomelic quijt Geloven(de) hem/ d(air)aff ne(m)mermeer aen te spreken (et)c(etera) mair hem van des(er)/ quitancien [altijt] inne te staen ende recht warant te zijne en(de)/ te bliven tegen eenenyegeliken Cor(am) vync caverson/ octobris xix