Aldair op heden voe(r) den raide vander stad clachtich comen zijn symoen/ boschvercken alse man en(de) momboer zijns wijfs weduwe gheerds/ wilen van coudenberghe welc wilen gheerd eenen langen tijt/ geleden behoirlic gegoedt ende gevesticht is geweest bij middele/ en(de) uut crachte van scepen(en) brieven van loeven van andriese wilen/ ylkairts geheten laureys in diversen p(ar)chelen van erve geleghen/ te hev(er)le ende dair omtrint die toe te behoiren plaghen stevene/ wilen hellinc ende de erfgenamen des voirsc(reven) wilen andries den/ voirs(creven) symoene adjoinct als de ghene die inde stat vanden selve(n)/ andriese vand(en) geluften van genoechdoen souden moeten innestaen/ der selver stad in p(rese)ncien peters comelinck der stad bode en(de)/ steven hellincks met supplicacien te kynnen geven(de) hoe dat de vors(creven)/ peter ende steven hen seggen(de) erfgenamen te zijne des voirs(creven)/ wilen stevens voirtijts als trecht vanden scepen(en) brieven van des(er)/ stad van sprincen weghen opgescorst wairt dat zijn execucie/ niet en mochte hebben als dat gewoenlic was en(de) sculdich wa(r)e geweest/ te hebben(e) Den voirs(creven) wilen gheerde besitte(re) der voirs(creven) goeden/ voer wet te heverle betoghen ende dagelicx molesteerden met/ bescriven te ludick beide wethoude(re)n ende gheerde als de banck/ van heverle te hoede ging te ludic tot groten coste ende laste/ nochtan en consten zij tot heuren intente niet gecomen mids den/ p(ri)vilegien des(er) stad opt stuck van heuren scepen(en) brieven en(de) der/ execucien der selve(n) dair uut zij wel beraden oyt seder hebben/ gesweghen ende den vors(creven) supplian(cien)t ongemoeyt gelaten tot nu/ dat zij den voirs(creven) symoene wederom inde banck te hev(er)le dach/ bescheiden hebben op en goensdaghe naistcomen(de) in meyni(n)ghen/ alsoe inder voirs(creven) saken met der banken recht te p(ro)cede(re)n Dwelc/ is ende zijn soude grotelic in p(re)judicien vermindernissen ende/ afnemene vanden rechten van des(er) stad ende der voirs(creven) scepen(en) brieve(n)/ van loeven Ende alsoe dan de voirs(creven) wilen andries de voirs(creven)/ goede uut crachte van scepen(en) brieven van loeven deughdelic/ gepasseert xxxvi jaer oft dair omtrint voe(r) ende de voirs(creven)/ wilen gheerd ende zijn wijff nae als dair inne bijden vors(creven) wile(n)/ andriese gegoedt vredelic hebben gepossesseert ende de ke(n)nisse/ ende dbeslicht der voirs(creven) scepen(en) brieven van loeven nerge(re)ns en/ behoirt dan inde banck voer meye(re) ende scepen(en) van loeven So v(er)sochte(n)/ zij ende baden met alre oetmoet ten onde onderhouden(e) vanden/ rechten voirs(creven) den vors(creven) pet(ere)n ende zijnen medeplege(re) vors(creven) alsoe/ tonderwisen oft uuterlic te bedwingen dat zij cesseerden en(de)/ aflieten den voirs(creven) supp(lianten) oft e(n)nigen van hen hier aff meer oft/ voirde(r) te moleste(re)n voer wet van heverle Mair oft zij meynde(n)/ e(n)nich recht aen oft tot den goeden voirs(creven) te hebben oft de voirs(creven)
//
scepen(en) brieven van loeven bij des voirs(creven) peters sweer dair hem de/ actie aff comen soude gepasseert ende overleden te inpugne(re)n/ dat zij dat quamen doen inde banck voer meye(re) en(de) scepen(en)/ van loeven voirs(creven) de vors(creven) suppl(ianten) p(rese)nteerden aldair tegen/ den selven rechts te pleghen Hebben hen dair tegen de/ voirs(creven) peter ende zijn medepleger verantwerden(de) opgedaen/ dat zij niet en meynden gheenssins tegen trecht van des(er)/ stad noch tegen dexecucie vanden scepen(en) brieven der selver/ gedaen te hebben nae alle voergeschiedeniss(en) ende besunder na/ dien dat zek(ere)n tijt geleden om des(er) goeden wille questie es geweest/ voe(r) de vors(creven) wet van heverle tuschen hen ter eenre ende den/ vors(creven) wilen gheerde ter ande(r) zijden Dair inne zo verre/ wert geprocedeert na dat de sake bijden brabantschen raide/ dair gheerd die betoghen hadde voe(r) de voirs(creven) wet van hev(er)le/ gere(n)voyeert was dat die sake alsdoen wert gesloten en(de) niet/ en rest dan tvo(n)nis Om dwelc te halen de vors(creven) peter ende/ zijn medepleg(eren) hue(r) pe(n)ninghen ende juwelen innegesett hadden/ dair die noch stonden bijden welcken ende meer ande(re)n reden(en)/ zij sustineerden dat dat alsoe sculdich wa(r)e te geschieden(e)/ en(de) voirts achtervolght te worden Dair tegen de voirs(creven)/ supplian(ten) repliceerden meynen(de) dat heur p(ar)tie hier mede te/ langhe hadde geviert ende al wairt dat dat vo(n)nisse te hoede/ begrepen soude werden gehaelt dat dat geschieden soude voe(r)/ scepen(en) van loeven die nu hoet wa(r)en der vors(creven) banck va(n) hev(er)le/ en(de) niet buyten lants nochtan na heure vredelike langhe possessie/ ende zeder dat tvors(creven) p(ro)ces beleyt was hoopten zij dat dierste/ ke(n)nisse hieraf sculdich wa(r)e ende behoirde navolgen(de) heuren/ yersten versuecke te comen inde banck voe(r) meye(re) en(de) scepen(en) va(n)/ loeven Ende soe was hier op getermineert dat nae de/ claernisse die zij hadden gehadt vanden scepen(en) brieven van/ loeven voirs(creven) zetten zij de sake ende partien inder yerster/ instancien inde banck voer meye(re) ende scepen(en) van loeven om ald(air)/ rechts te pleghen res(er)ve(re)nde den vors(creven) pet(ere)n ende zijnen mede/ pleg(ere)n hen aldair te moegen behulpen met heurer declinatorien/ ende anders om de sake gere(n)voyeert te hebben alsoe heuren raed/ gedragen sall In consilio opidi januarii xix