Op de questie die geweest is voe(r) den raide vander stad tuschen/ h(ere)n en(de) meester janne van loo prieste(r) inden name en(de) van wegen/ segers fredericx ter eenre ende katlijnen clincke heur/ segge(re)n weduwe jannes wilen vanden hove ter ande(r) zijden/ Aldair de vors(creven) meester jan inden name als vo(r)e opdede en(de)/ te kynnen gaff hoe dat de voirs(creven) katlijne vanden officiael/ van ludic hadden geimpetreert eene zeke(re) inhibicie en(de) die/ doen execute(re)n Dair mede bevolen was te suspende(re)n de/ lit(is)penden(tien) hangen(de) alhier inde banck voe(r) meye(re) en(de) scepen(en)/ van loeven tuschen meester janne trabukier ter eenre en(de) den/ voirs(creven) zeg(ere)n ter ande(r) zijden dair inne so verre was gepro/ cedeert dat partien tot heuren thoene zijn gewesen en(de)/ dit boven dien dat de voirs(creven) katlijne in die instancie gheen/ p(ar)tie en is want zij de brieve dair uut de questie spruyten(de)/ quame meester janne trabukier foirmail p(ar)tie hadde getrans/ porteert bege(re)nde dairom de voirs(creven) katlijne onderwesen of/ bedwongen te worden van heuren p(re)tensen voirtstelle in dien/ te cesseren en(de) af te laten Dairop de voirs(creven) katlijne onder/ ande(re) reden(en) allegeerde dat zij niet voirde(r) en hadde versocht/ dan want inden gedinghe voirs(creven) bijden voirs(creven) sege(re)n wa(r)e/ ontkindt den huwelic voirtijts tuschen den voirs(creven) wilen/ jannese en(de) heure geschied dien met rechte te doen blijken d(air)af/ dbeslicht en(de) de ky(n)nisse nerge(re)ns en behoirde dan voer tgheestelic/ gerichte voe(r) den officiael van ludic en(de) dat dien huwelic ald(air)/ vercleert zijnde wa(r)e de meyninghe int principael alh(ier) inde/ voirs(creven) banc te p(ro)cede(re)n en(de) de sake geremitteert te worden Es/ getermineert bijden raide vander stad notabelic vergadert en(de)/ der voirs(creven) katlijnen gelast te voirder want de stad mids goed(er)/ informacien wel te bynnen was dat meester ja(n) trabukier/ formail p(ar)tie wel te vreden was rechts te plegen(e) en(de) voirts/ inder saken te p(ro)cede(re)n inde voirs(creven) banc dair die was begonnen/ dat de voirs(creven) katlijne sculdich soude zijn de vors(creven) inhibicie en(de)/ dexecucie dair uut gevolght af te doene en(de) heur te v(er)dragen/ heur dair mede in desen e(n)nichssins te behulpen Maer/ woude zij heur dair mede aengaen(de) den huwelic behulpen/ in ande(re)n saken buyten des(er) instan(cien) oft tegen ande(re) p(er)sonen dair/ zij selve p(ar)tie inne wa(r)e dat zij dat doen mochte in pleno/ consilio p(rese)ntibus pynnoc moelen burg(imagistris) abs(oloens) borch b(er)ghe vync/ caverson tybe scab(inis) b(er)them abs(oloens) nethen(en) vrancx le(m)mens cuggenbosch/ cuype(re) rogiers consiliariis febr(uarii) xxiiii