It(em) den dach die op heden alhier diende op hope van peyse bij/ vrienden in wedersijde genomen bij henricken diericx ende/ goffinet de prestermont ter eenre ende janne stelleman/ en(de) zijnre huysvrouwen ter ande(r) zijden vanden geschille/ dat zij gehadt hebben voer meye(r) en(de) scepen(en) alhier Hebben p(ar)tie(n)/ bij beden vanden burgermeester van lov(en) den selven dach/ uutgesett tot van heden in vi weken naistcomen(de) bij alsoe/ dat jan stelleman den vors(creven) henricken ende goffinet drie/ daghe te vo(r)en nadat een maend geleden sall zijn den selve(n)/ in p(rese)ncien van twee goeden ma(n)nen kundigen sall den dach/ wanneer hij met zijnen wive te loeven comen sall bij alsoe/ nochtans wairt sake dat meester jan lobbe bynnen middelen/ tijde te loeven ware hebben zij in wed(er)zijde toegeseeght/ alsdan te comen te loeven niet tegenstaen(de) den daghe vorscr(even)/ ende dien hebben zij malcande(re)n gelooft goets tijts te laten/ weten Cor(am) moelen burg(imagistro) januarii xi