It(em) de voirs(creven) guedinghe vanden vors(creven) eygenen goeden sall bliven onder/ scepen(en) van loeven te dier meyninghen dat hem de voirs(creven) peter d(air)mede/ behulpen sal moegen om die te vercopen niet tegenstaende der/ tocht voirs(creven) so wanneer de vors(creven) peter e(n)nigen cost oft last hadde/ oft gepraemt worde vanden vervangen en(de) geluften va(n) genoech/ doene [vorscr(even)] ende anders niet Mair de vors(creven) katlijne ende haer docht(er)/ van live t(er) doot comen zijnde sall den voirs(creven) beemdt den voirs(creven)/ pet(ere)n bliven tot eeuwigen daghen Behalven dat hij alsdan/ ende niet eer gehouden zal zijn margrieten van massene natuerlike/ dochter der voirs(creven) katlijnen beyardts te gheven thien rijnsch gulden/ eens so wanneer zij hair ter ee(re)n stelt het zij in e(n)nich cloester/ oft te huwelike met raide van hairen vrienden vander moeder wegen/ ende anders niet Met condicien oic oft geboerde des oft god wilt/ niet zijn en sall dat de vors(creven) katlijne hellincx oft katlijne beyardt/ heur dochter van nootsweghen ende anders niet den vors(creven) beemd/ moeste vercopen dat in dien gevalle de voirs(creven) peter oft zijn nacome/ linghe zijns gebreken(en) gehouden zullen sijn de guedinghe dairaff te/ doen sonder zijnen cost ende hand ende mond dair toe leenen ende/ alsdan soude de voirs(creven) peter vanden voirs(creven) thien rinsch gulden(en)/ aender voirs(creven) margrieten ongehouden zijn Cor(am) eisdem