Item arnd vanden bruele die alse p(ro)cureur jans vander nat zeke(re)/ gedinghe hangende heeft voe(r) den raide van brabant tegen den hee(re)/ van wolkesteyn oft zijnen p(ro)cureur om der goeden wille des vors(creven)/ jans vander nat dair toe hij meynd actie te hebben des hem/ de voirs(creven) arnd ontkindt uut saken van co(n)fiscacien hem vanden/ selven goeden bij m(ijnen) gened(ichen) hee(re) den h(er)toghe gegeven recht te/ hebben in p(rese)ncia (et)c(etera) Heeft de selve arnd in zijnen p(er)soon allen/ costen van rechte die de vors(creven) van wolkesteyn oft zijn p(ro)cur(eur)/ h(ier)om sall moegen lijden en(de) hij de sake wonne en(de) anders niet/ voer ons op heden verborght na der stad recht van loeven met/ zijnen live ende goede Geloven(de) dair voe(r) inne te staene Cor(am)/ moelen burg(imagistro) borgh tybe scabinis et aliis de consilio ja(nuarii) xix