Item lijsbeth van raveschote weduwe arnds wilen vand(er) horst/ in p(rese)ncia (et)c(etera) heeft gekindt ende gelijdt gehaven en(de) ontfangen te hebbe(n)/ van arnde ende margrieten vander horst kynde(re) des vorsc(reven) wile(n)/ arnds die hij hadde van katlijnen wilen srademakers zijnen/ yersten wive en(de) van henricken vander horst inden name en(de) als/ momboir jacops vander horst oic sone des voirs(creven) wilen arnts/ dien hij hadde van margrieten wilen beyards zijnen tweesten/ wive twintich rinsch gulden(en) te lx pl(a)c(ken) tstuck Alse voer/ alsulken recht en(de) actie als zij hebben mochte in alle de haeflike/ goede en(de) vliegenderve na de doot des voirs(creven) arnds heurs/ mans gebleven bekynnen(de) heur d(air)aff genoech gedaen zijnde/ Geloven(de) hen dairaf ne(m)mermeer aen te spreken te quellen noch/ te moeyen in gheenen rechte gheestelic noch weerlic in e(n)niger/ manie(re)n Cor(am) vync cav(er)son marcii ii