Item anthonijs robbijns sone wilen robbijns le drappir ter eend(er)/ en(de) mathy matta de courtil inden name van hem ende/ katlinen aggrappart sijns wijfs ter and(er) zijden absent sijnde die hij/ h(ier) inne t(er) manessen des voirs(creven) anthonijs geloeft heeft te v(er)vange(n)/ Sijn met malcande(re)n voer hen hue(re)n erve(n) en(de) nacomelingen/ eenswordden alse van allen den erfgoeden het zij leene eyghen/ oft ande(re) hoe die genoempt mogen wesen oft gelegen sijn ind(en)/ lande van brabant oft elswair in woeni(n)gen huysen hoven wynnen(de)/ lande beemde(n) eeusselen bosschen erfchijse en(de) erfpachten die/ bleve(n) en(de) verstorven sijn na en(de) vander doot reyneers wijlen/ aggrappart brueder der voirs(creven) katlinen ende katline(n) wijlen/ robbijns sijne(n) wive die sust(er) was des voirs(creven) anthonijs der/ poenten condicie(n) h(ier) na bescreve(n) die sij gelooft hebben tond(er)houde(n)/ en(de) tacht(er)volghen niet tegenstaende dat deen meer dan/ dande(r) d(air) inne na den lantrechte ghericht mach wesen/ Te weten(e) inden iersten dat sij te gelijke deylen sullen alle/ en(de) yegewelke erfgoede het zij leene oft ande(re) die de voirs(creven)/ reyne(re) en(de) katline sijn wijf tsamen in heylike vercregen/ hebben en(de) die te geliken coste vervolgen bij alsoe dat sij te/ gelike dragen sullen alle schulden het zij bebrieft oft o(n)bebrieft/ en(de) oic dexequien des voirs(creven) wilen reyneers voirt eest bevorw(er)t/ dat den voirs(creven) anthonijse ombelet vanden voirs(creven) gehuyssche(n) volge(n)/ sullen alle en(de) yegewelke goede die gecomen sijn vander zijden/ der voirs(creven) wilen katlinen sijnd(er) suster ende desgelijcx alle de/ goede der voirs(creven) gehuysschen die gecomen sijn vander zijden/ des voirs(creven) wilen reyneers voirt hebben zij als voe(r) malcande(re)n/ toegeseegt en(de) geloeft dat zij te geliken coste vervolghe(n) sulle(n)/ de goede voirs(creven) ind(en) gevalle oft hen yema(n)t d(air) aen stoot oft/ hynder deden Cor(am) boxho(r)en tants no(vembris) iiii