It(em) also als ten vervolghe jans de mez alse geleidt na den rechte/ der stad van lov(en) voer zijn wettige gebreke tot allen den goeden have/ en(de) erve jans wilen de ghelly gescreven es geweest den meye(r)/ van couroit oft zijnen stedehoude(r) hem de selve goede te leve(re)n/ en(de) te doen volghen En(de) oft de weduwe des vors(creven) wilen jans en(de)/ heure kynde(re) of yemant and(er)s dair tegen yet seggen of alleg(ere)n/ wilden dat zij des quamen alh(ier) voe(r) meye(r) en(de) scepen(en) int recht/ tot eenen zek(ere)n dage va(n) rechte mids v(er)strikene va(n) genechten op/ heden dienen(de) Aldair zij noch nyemant va(n) heuren wegen comen/ en es den voirs(creven) geleidden compare(re)nde en(de) trecht versuecken(de) So/ hebben de scepen(en) van lov(en) yerst aengehoirt pauwelse bierman/ bode der stad va(n) lov(en) die cleerde bij zijnen eede dat de voirs(creven)/ meye(r) de v dexecucie gedaen hadden en(de) p(ar)tien dach bescheiden/ t(er) maniss(en) smeyers gewijst voer een vo(n)nisse So v(er)re des voirs(creven)/ geleidden wed(er)p(ar)tie niet en quame ten opstaene smeyers en(de) van/ hen scepen(en) datmen hem dan vanden vors(creven) goeden houden sall in/ zijnen vors(creven) beleide tot zijne(n) wettigen gebreke behoef also v(er)re/ alst noch voer hen scepen(en) comen es cor(am) om(n)ib(us) scab(inis) dempt(is) abs(oloens)/ liefkenrode aug(usti) xx